O‘zbekistonda quyosh energiyasi subsidiyalari oshmoqda
O‘zbekistonda qayta tiklanuvchi energiya manbalaridan foydalanish doimiy ravishda kengayib bormoqda. Bu haqida Zamin.uz xabar berdi.
Ayniqsa, quyosh panellari yordamida elektr energiyasi ishlab chiqarish nafaqat atrof-muhitni muhofaza qilishga xizmat qiladi, balki aholining daromad manbaiga aylangan. Energetika vazirligining ma’lumotlariga ko‘ra, 2025-yilning yanvaridan iyunigacha bo‘lgan davrda 28 538 nafar jismoniy shaxs davlat elektr tarmog‘iga jami 63 milliard 498 million so‘mlik quyosh energiyasini yetkazib bergan.
Ushbu to‘lovlar “Quyoshli xonadon” dasturi doirasida subsidiya sifatida amalga oshirilgan. Hududlar kesimida eng ko‘p subsidiya miqdori Xorazm viloyatida bo‘lib, u yerda 19,1 milliard so‘m mablag‘ ajratilgan.
Keyingi o‘rinlarda Qoraqalpog‘iston (9,7 milliard so‘m) va Toshkent shahri (4,9 milliard so‘m) turgan. Boshqa viloyatlarda bu ko‘rsatkichlar nisbatan pastroq.
Aholi “Soliq” mobil ilovasidagi “Keshbek va imtiyozlar” bo‘limi orqali “Quyoshli xonadon” dastmiga murojaat qilib, subsidiya mablag‘ini bevosita bank kartasiga olish imkoniyatiga ega. Shuningdek, 2023-yil 1-apreldan boshlab, uy sharoitida o‘rnatilgan quyosh panellari orqali davlat tarmog‘iga uzatilgan har bir kilovatt-soat energiya uchun 1000 so‘m subsidiya to‘lanadi.
Bu chora-tadbirlar aholining “yashil” energiyadan keng foydalanishini rag‘batlantirishga qaratilgan. Manba: Energetika vazirligi.
