Toshkentda eng ko‘p avariya yuz bergan tumanlar aniqlandi
Toshkent shahrida yo‘l-transport hodisalari soni bo‘yicha eng ko‘p avariyalar yuz bergan hududlar ma’lum qilindi. Bu haqida Zamin.uz xabar berdi.
2025 yil yanvar oyidan avgust oyigacha bo‘lgan davrda poytaxtda jami 4350 ta yo‘l-transport hodisasi ro‘yxatga olingan. Bu haqda Open Data Toshkent portalida taqdim etilgan ma’lumotlarga asoslanadi.
Eng ko‘p avariya yuz bergan hududlar orasida Yunusobod tumani 561 ta hodisa bilan yetakchilik qilmoqda. Chilonzor tumani 555 ta, Yashnobod tumani 554 ta, Mirzo Ulug‘bek tumani 475 ta va Shayxontohur tumani 363 ta hodisa bilan keyingi o‘rinlarda turadi.
Aksincha, eng kam avariya qayd etilgan tumanlar sifatida Yangihayot tumani 205 ta, Yakkasaroy tumani 210 ta va Bektemir tumani 217 ta bilan ko‘rsatildi. Statistik ma’lumotlarga ko‘ra, yo‘l-transport hodisalari asosan shahar markazidagi va aholisi zich joylashgan tumanlarda ko‘proq sodir bo‘lmoqda.
Ushbu ma’lumotlar yo‘l harakati xavfsizligini yaxshilash va avariyalarni kamaytirish bo‘yicha chora-tadbirlarni belgilashda muhim ahamiyatga ega. Manba: Open Data Toshkent.
