Chinozda tovar poyezdi vagonlari relsdan chiqdi
Toshkent viloyati Chinoz tumanida yuk poyezdi vagonlari relsdan chiqib ketdi. Bu haqda Zamin.uz xabar berdi.
Bu haqda “O‘zbekiston temir yo‘llari” matbuot xizmati ma’lumot berdi. Hodisa 27-sentyabr kuni soat 21:30 da Rasulobod mahallasi, Olmazor stansiyasi hududida sodir bo‘lgan.
Jizzaxdan Toshkentga yo‘nalgan tovar poyezdining sut mahsulotlari ortilgan ikki vagoni relsdan chiqib ketgani aniqlangan. Voqea natijasida hech kim jarohat olmadi va jabrlanuvchilar qayd etilmadi.
Hodisa joyiga tuman Favqulodda vaziyatlar bo‘limi rahbariyati, texnik boshqaruv navbatchi smenasi hamda boshqa tegishli xizmat vakillari jalb etildi. Hozirda poyezd harakati to‘liq tiklangan va hodisa sabablarini aniqlash uchun surishtiruv ishlari davom etmoqda.
Ushbu ma’lumotlar “O‘zbekiston temir yo‘llari” rasmiy manbasidan olingan.
