O‘zbekistonda ishbilarmonlik faolligi 18 foizga oshdi
Iqtisodiy tadqiqotlar va islohotlar markazi (ITIM) tomonidan 2025-yil sentabr oyida o‘tkazilgan tahlillarga ko‘ra, O‘zbekistonda ishbilarmonlik faolligi indeksi 1162 birlikni tashkil etdi. Bu haqda Zamin.uz xabar berdi.
Bu ko‘rsatkich avgust oyiga nisbatan 16,2 foizga, o‘tgan yilning shu davriga nisbatan esa 18,5 foizga oshgan. Mutaxassislarning fikriga ko‘ra, ishbilarmonlik faolligining oshishi bir nechta omillar bilan izohlanadi.
Jumladan, bank operatsiyalari soni 2,3 foizga o‘sdi, tovar va xom ashyo birjasida savdo hajmi 38 foizga ko‘paydi, shuningdek, tovar belgilari ro‘yxatga olishdagi faollik 13,8 foizga o‘sdi. Shu bilan birga, faoliyat yuritayotgan korxonalar sonida 1,3 foizlik kamayish qayd etilgan, ammo bu umumiy ko‘rsatkichga salbiy ta’sir ko‘rsatmagan.
Hududlar kesimida esa Andijon viloyati ishbilarmonlik faolligi bo‘yicha 44,6 foizlik o‘sish bilan yetakchilik qilmoqda. Uni Xorazm (42,9 %), Jizzax (41,8 %) hamda Toshkent viloyati (41,3 %) viloyatlari kuzatmoqda.
Bu natijalar viloyatlarda iqtisodiy muhitning yaxshilanishidan dalolat beradi. Manba: one.uz
