Tatariston Buxoro va Navoiyda texnoparklar quradi
Tatariston 2026 yilning birinchi choragida O‘zbekistonda ikkita yangi sanoat maydonini ishga tushirishni rejalashtirmoqda. Bu haqda Zamin.uz xabar berdi.
Ushbu texnoparklar Buxoro va Navoiy viloyatlarida joylashadi. Yangi loyihalar "Alabuga" va "KIP Master" kompaniyalari tomonidan boshqariladi.
Bu haqda KazanFirst xabar berdi. Mazkur tashabbus avvalroq "Chirchiq" va "Jizzax" texnoparklarining muvaffaqiyatli faoliyati asosida amalga oshirilmoqda.
Ushbu texnoparklar hozirgacha umumiy daromadini 40 million AQSH dollariga yetkazgan. Mutaxassislarning fikriga ko‘ra, O‘zbekiston sanoat infratuzilmasini rivojlantirish va soliq bazasini kengaytirishga katta qiziqish bildirmoqda.
Tataristonning mazkur loyihasi 2030 yilgacha eksport salohiyatini oshirish maqsadida ishlab chiqilgan mintaqaviy dastur doirasida amalga oshirilmoqda. Tatariston sanoat klasteri boshqaruvi raisi Sergey Mayorovning ta’kidlashicha, O‘zbekistonning iqtisodiyoti juda tez rivojlanmoqda va mamlakatning demografik o‘sishi ham yuqori.
Har yili aholi soni bir millionga ortayotgani bois, bu hudud Tatariston uchun alohida qiziqish uyg‘otmoqda.
