O‘zbekistonda patent tizimi zamonaviylashtiriladi
O‘zbekiston patent va brend tizimi zamonaviy texnologiyalar asosida yangilanadi. Bu haqda Zamin.uz xabar berdi.
Bu haqda Janubiy Koreya Intellektual mulk vazirligi ma’lum qildi. Unga ko‘ra, O‘zbekistonga patentlar va tovar belgilari boshqaruvi tizimi yetkazib beriladi.
Ushbu loyiha Koreya xalqaro hamkorlik agentligi (KOICA) tomonidan amalga oshirilmoqda va uning umumiy qiymati 13,4 milliard vonni (taxminan 9 million AQSh dollari) tashkil etadi. Bu Koreyaning xorijiy davlatlarga yetkazib berayotgan eng yirik tizim loyihalaridan biri hisoblanadi.
Loyihaning asosiy maqsadi O‘zbekistonda intellektual mulk boshqaruvini modernizatsiya qilish va samaradorligini oshirishdir. Koreya Intellektual mulk byurosi vakili Chong Je Xvanning so‘zlariga ko‘ra, yangi tizim sun’iy intellekt texnologiyasi asosida ishlaydi.
U ma’muriy jarayonlarni avtomatlashtirish, tasniflash, izlash, ochiq ma’lumotlarni qidirish va statistik hisobotlarni yuritishda yordam beradi. Shuningdek, loyiha doirasida tizimni barqaror ishlashi uchun texnik yordam ko‘rsatish, davlat xizmatchilari malakasini oshirish va boshqa qo‘shimcha tadbirlarni amalga oshirish rejalashtirilgan.
Bu yangilanishlar O‘zbekistonda intellektual mulk sohasini yanada rivojlantirishga xizmat qiladi. Manba: Yonhap.
