O‘zbekistonda tahsil olayotgan xorijlik talabalar 33 mingdan oshdi
2025 yil noyabr oyining boshiga kelib, O‘zbekistonga ta’lim olish uchun kelgan xorijlik talabalar soni 33,2 ming kishiga yetdi. Bu haqda Zamin.uz xabar berdi.
Bu ko‘rsatkich o‘tgan yilga nisbatan 51,5 foizga oshganini Milliy statistika qo‘mitasi ma’lum qildi. Xorijiy talabalar orasida eng ko‘p Hindistondan kelgan talabalar – ularning soni 14,3 mingdan oshadi.
Turkmanistondan 8,3 ming, Tojikistondan esa 2,3 ming talaba O‘zbekistonda tahsil olmoqda. Shuningdek, uzoq xorij davlatlaridan ham talabalar mamlakatimizga kelmoqda.
Masalan, Pokistondan 1,6 ming, Xitoydan 1,2 ming va Janubiy Koreyadan 806 nafar talaba O‘zbekistonda o‘qiyapti. Bundan tashqari, Filippindan 461, AQShdan 429 va Iordaniyadan 175 nafar talaba O‘zbekistonda ta’lim olishni tanlagan.
Bu raqamlar O‘zbekistonning xalqaro ta’lim tizimida tobora ommalashib borayotganini ko‘rsatmoqda. Ma’lumot manbasi: Milliy statistika qo‘mitasi.
