Florian Virts yozgi transfer oynasida Germaniyaning "Bayer" jamoasidan Angliyaning "Liverpul" klubiga o‘tdi. Bu haqida Euro-football.ru xabar berdi.
OAV xabariga ko‘ra, "Liverpul" ushbu futbolchi uchun 125 million yevro to‘lagan. Shuningdek, bonuslar hisobiga bu summa 150 million yevrogacha oshishi mumkin.
Nemis matbuoti ma’lumotiga ko‘ra, Florian Virts "Bayer" muxlislari bilan xayrlashish uchun Leverkuzen shahriga qaytib kelishi mumkin. Ushbu uchrashuv 5-avgust kuni bo‘lib o‘tishi rejalashtirilgan.
O‘sha kuni "Bayer" o‘z maydonida "Piza" jamoasiga qarshi o‘rtoqlik uchrashuvi o‘tkazadi. "Liverpul" klubi Virtsning Leverkuzen shahriga borishiga ruxsat berishi kutilmoqda.
Klub ushbu masalani yaqin dam olish kunlarida ko‘rib chiqadi. "Liverpul" yangi mavsumdagi ilk rasmiy o‘yinini 10-avgust kuni o‘tkazadi.
Jamoa Angliya Superkubogida "Kristal Pelas" klubiga qarshi maydonga tushadi. Shu tariqa, Florian Virts "Bayer"dagi faoliyatini yakunlab, endilikda "Liverpul" safida o‘zini ko‘rsatishga tayyorlanmoqda.
