Angliyaning "Birmingem" futbol klubi 29 yoshli hujumchi Chuba Akpomni ijaraga olishga qiziqish bildirmoqda. Bu haqida Euro-football.ru xabar berdi.
Bu haqda manbalardan biri xabar bermoqda. Ma’lumotlarga ko‘ra, "Birmingem" allaqachon Niderlandiyaning "Ayaks" klubi bilan ushbu futbolchini ijaraga olish bo‘yicha muzokaralarni boshlagan.
"Ayaks" esa futbolchini to‘liq sotib yuborish variantini afzal ko‘radi, biroq klub ijaraga berib, keyin sotib olish huquqini ham ko‘rib chiqishga tayyor. Bunday kelishuv kamida bir yilga klubning maosh yukini kamaytirishi mumkin.
O‘tgan mavsumda Chuba Akpom "Ayaks" va Fransiyaning "Lill" klublari safida jami 48 o‘yinda maydonga tushdi. U ushbu bellashuvlarda 11 ta gol urdi va 2 ta golli uzatma berdi.
Akpom "Midlsbro" klubidan "Ayaks"ga 12,3 million yevro evaziga ko‘chib o‘tgan. Uning "Ayaks" bilan tuzgan shartnomasi 2028 yil iyun oyigacha amal qiladi.
Transfermarkt baholashiga ko‘ra, hozirda futbolchining bozor qiymati 7 million yevroga teng.
