"Liverpul" Angliya chempioni bo‘ldi, biroq klub transfer mavsumida faol harakat qilmoqda. Bu haqida Euro-football.ru xabar berdi.
Jamoa allaqachon bir nechta yangi futbolchilarni o‘z tarkibiga qo‘shib oldi. Ular orasida Florian Virts, Jeremi Frimpong, Ugo Ekitike va Milosh Kerkes bor.
Ushbu futbolchilar uchun klub 300 million yevrodan ortiq mablag‘ sarfladi. "Liverpul" bu bilan to‘xtab qolmadi.
Klub Aleksandr Isak uchun 120 milliondan ortiq taklif berdi, biroq "Nyukasl" bu taklifni rad etdi. Shu sababdan, mersisaydliklar boshqa nomzodlarga e’tibor qaratmoqda.
Matbuotda "Liverpul" uzoq vaqtdan buyon Rodrigo bilan bog‘lanib kelayotgani haqida xabarlar bor. Endilikda esa Fransiya matbuotiga ko‘ra, "Liverpul" "PSJ" hujumchisi Bredli Barkolaga ham qiziqish bildirmoqda.
Jamoa ushbu futbolchini "Enfild" stadioniga olib kelishga harakat qilishi mumkin. Chunki Parij klubida Barkola hujum chizig‘ida to‘rtinchi o‘rinda turadi.
Uning oldida Kvartskeliya, Dembele va Due joylashgan. Transfermarkt portali Bredli Barkolaning narxini 70 million yevroga baholamoqda.
"Liverpul" transfer bozorida faol harakat qilayotganini ko‘rish mumkin. Klub oldinda yana yangi futbolchilar bilan muzokaralar olib borishi kutilmoqda.
