"Chelsi" qo'shimcha bo'limlarda "Reksem"ni mag'lub etdi
Angliya Kubogining beshinchi bosqichida "Chelsi" jamoasi "Reksem" mehmoni bo'lib, futbol ishqibozlariga haqiqiy futbol shousini namoyish etdi. Bu haqda Zamin.uz xabar berdi.
Qiziqarli va murosasiz kechgan bahsda "Chelsi" 4:2 hisobida g'alaba qozondi. Uchrashuv davomida mezbon jamoa munosib qarshilik ko'rsatgan bo'lsa-da, londonliklar o'z tajribasi va mahorati evaziga keyingi bosqichga yo'llanma oldi.
O'yinning 18-daqiqasida S. Smit "Reksem"ni oldinga olib chiqdi.
Biroq, 40-daqiqada yuz bergan avtogol hisobni tenglashtirdi. Ikkinchi bo'limda jamoalar yana gol almashishdi.
Asosiy vaqt durang bilan yakunlangach, o'yin qo'shimcha bo'limlarga o'tdi. Qo'shimcha daqiqalarda "Chelsi" futbolchilari Alexandro Garnacho va Juan Pedro kiritgan gollar bilan yakuniy natijani o'z foydasiga hal qildi.
Statistikaga ko'ra, "Chelsi" to'pga egalik qilishda yaqqol ustunlikka ega bo'lib, 69 foiz ko'rsatkichni qayd etdi. Shuningdek, londonliklar 1000 ta aniq pas uzatib, o'yin nazoratini to'liq o'z qo'lida ushlab turdi.
"Reksem" jamoasidan Jorj Dobson 90+3-daqiqada qizil kartochka olib, maydonni muddatidan avval tark etdi. Bu mag'lubiyat mezbonlarning turnirdagi ishtirokini tugatdi.
Manba: One.uz.
