Barselona jamoasining qanot himoyachisi Lamin Yamal tez orada afsonaviy o‘n raqamli libosni olishi kutilmoqda. Bu haqida Euro-football.ru xabar berdi.
Hozirda bu raqam Ansu Fati egasi hisoblanadi. Fati yaqin orada Monako jamoasiga o‘tishi ehtimoli yuqori bo‘lib, agar kutilmagan holatlar yuz bermasa, o‘n raqam bo‘shaydi.
Barselona klubi yangi mavsumdan boshlab aynan Lamin Yamalga ushbu raqam berilishi haqida qaror qilgan. Mundo Deportivo nashrining ma’lum qilishicha, bu haqda rasmiy e’lon 13 iyul kuni, ya’ni o‘yinchining 18 yoshga to‘lishi kunida e’lon qilinadi.
Oldinroq o‘n raqamni Lionel Messi kiygan, u 2021 yilda klubni tark etgan edi. Lamin Yamal esa ilgari aytganicha, o‘n raqamli futbolkani faqat do‘sti Ansu Fati raqamni tark etgandan keyin oladi, hatto Fati maydonga kam chiqsa ham.
Hozircha Laminning raqami 19 hisoblanadi. Barselona klubi yosh futbolchiga katta umid bilan qaramoqda va uning kelajagi porloq deb baholanmoqda.
