Hujumchi Oliviye Jiru "Los-Anjeles" klubini rasmiy ravishda tark etadi. Bu haqida Euro-football.ru xabar berdi.
U klub bilan kelishuv asosida shartnomani muddatidan oldin bekor qilish bo‘yicha kelishib olindi. Jiru klub safida oxirgi o‘yinini 29 iyun, yakshanba kuni "Vankuver"ga qarshi o‘tkaziladigan uchrashuvda o‘ynaydi. Amerikalik klub 38 yoshli fransuz futbolchining professionalligi va yetakchilik qobiliyatlarini yuqori baholadi.
U maydonda ham, maydon tashqarisida ham jamoa muhitiga ijobiy ta’sir ko‘rsatgani alohida ta’kidlandi. Hujumchi jamoaga 2024 yil yozida qo‘shilgan bo‘lib, hozirgacha 37 o‘yinda maydonga tushdi, beshta gol urdi va uchta golga uzatma berdi. Ommaviy axborot vositalari ma’lumotlariga ko‘ra, tajribali hujumchining keyingi jamoasi Fransiyaning "Lill" klubi bo‘lishi mumkin.
Jiru o‘z tajribasi va mahorati bilan yangi klubda ham muhim rol o‘ynashi kutilmoqda. Uning "Los-Anjeles"dagi faoliyati yakunlanishi klub uchun katta o‘zgartirishlarning boshlanishi hisoblanadi.
