Real Konate uchun 50 million yevro bermaydi
«Liverpul» himoyachisi Ibrohima Konate «Real» klubiga o‘tishi mumkin. Bu haqida Euro-football.ru xabar berdi.
AS nashrining payshanba kunidagi maqolasida 26 yoshli futbolchining holati haqida so‘z boradi. Konate shartnomani uzaytirishni ko‘zlamayapti va «Liverpul» bu haqda xabardor.
Fransiyalik futbolchini keyingi yil bepul yo‘qotmaslik maqsadida, «qizillar» uni yozda sotishga tayyor, ammo munosib narxda. Klub kamida 50 million yevro talab qiladi.
Manba ta’kidicha, «Real» futbolchining amaldagi shartnomasi kelasi yozda tugashini inobatga olib, 50 million yevro to‘lash niyatida emas. «Qirollik klubi» esa, ehtimol, yana bir nufuzli o‘yinchini bepul olishni rejalashtirmoqda.
Shunday qilib, «Liverpul» futbolchini sotishdan katta mablag‘ olishni maqsad qilgan. Klub va futbolchi o‘rtasidagi kelishmovchilik mavsum oxiriga qadar hal etilishi kutilmoqda.
