Barsa - so'nggi yangiliklar

Kataloniya futbol muhitida navbatdagi shov-shuvli transfer amalga oshdi. “Espanyol” klubining 24 yoshli iqtidorli darvozaboni Joan Garsiya rasman “Barselona” futbolchisiga aylandi. Kataloniya derbisidagi asosiy raqiblardan biri bo‘lgan jamoadan futbolchi olib kelish juda kam uchraydigan holat bo‘lsa-da, “Barsa” bu gal istisnoga yo‘l qo‘ydi. Futbolchi shaxsan o‘zi 25 million yevrolik tovon pulini to‘lab, “Espanyol” bilan shartnomasini bekor qildi. Kuni kecha “Barselona” klubi uning transferi yakunlanganini rasman eʼlon qildi. Garsiya bilan tuzilgan shartnoma 2031 yilning 30 iyunigacha amal qiladi. Bu juda uzoq muddatli bitim sanaladi va unga bo‘lgan ishonch darajasini ko‘rsatadi. Mazkur transfer “Barsa”ning keyingi yillarda darvozabon masalasini uzoq muddatga yopishini bildirishi mumkin. Joan Garsiya 2024/25 yilgi La Liga mavsumida 38 ta o‘yinda qatnashdi, shundan 8 tasida “suxoy” o‘yin qayd etdi. Umumiy hisobda esa 51 ta gol o‘tkazib yubordi. Qiyin vaziyatlardagi mustahkam turishi, tezkor reaksiyasi va o‘yinni to‘g‘ri boshlashdagi mahorati uni “Barselona” skautlari diqqatiga tushirgan. Kataloniya klubi bosh murabbiyi ushbu transfer orqali jamoada raqobatni kuchaytirishni maqsad qilgan. “Barselona” safida hozirgi birinchi raqamli darvozabon Andre Ter Shtegenning tez-tez jarohat olishi garchi xavotir uyg‘otmayotgan bo‘lsa-da, uning zaxirasida kuchli va ishonchli nomzod bo‘lishi muhim ekani shubhasiz. Joan Garsiyaning kelishi bilan “Barsa”ning darvoza chizig‘ida ham kelajak, ham hozirgi holatni taʼminlash rejasi ko‘zga tashlanadi. Uning “Espanyol”dan “Barsa”ga o‘tishi Kataloniya futbol tarixidagi muhim voqealardan biri sifatida eslab qolinishi mumkin. Endi esa futbol olamidagi asosiy savol: Garsiya “Barsa”da asosiy tarkib uchun kurashadimi yoki tajriba to‘plash uchun zaxirada qoladimi? Bu savolga javob mavsum davomida aniq bo‘ladi.

Yevropa futbol bozorida qizg‘in muhokamalarga sabab bo‘layotgan iste’dodli hujumchi — Niko Uilyamsning transferi yana diqqat markazida. “Atletik Bilbao” jamoasi tarbiyalanuvchisi va Ispaniya terma jamoasi vingeri bir necha grand klublarning diqqat markazida bo‘lib turibdi. Ammo futbolchining o‘zi aniq qarorga kelgan — u faqat “Barselona” safida to‘p surishni istaydi. “Real” va “Arsenal”ni rad etgan tanlov 22 yoshli futbolchi aytishiga qaraganda, uning faoliyatdagi asosiy maqsadi – “Barselona” safida o‘ynash. Uning bu bayonoti “Real”, “Arsenal” kabi kuchli klublarning imkoniyatlarini yo‘qqa chiqardi. Garchi moliyaviy jihatdan ularning takliflari ancha yuqori bo‘lgan bo‘lsa-da, Niko maqsadidan chekinmoqchi emas. Laporta unga ishonmasligi mumkin Jurnalist Santi Ovallening ma’lum qilishicha, “Barselona” prezidenti Joan Laporta futbolchining ilk bor ularning taklifiga rad javob berganini unutmagan. Shu sababli, u prinsip jihatidan bu transferga yo‘l qo‘ymasligi ham mumkin. Bir yil avval “Barsa” Uilyamsni jamoaga qo‘shishga juda yaqin kelgan edi. Biroq o‘sha paytda Niko boshqa yo‘lni tanladi. Hamma narsa o‘zgardi – futbolchi yolvormayapti, so‘rayapti Endi esa vaziyat keskin o‘zgargan. Niko Uilyams “Barselona”ning chempionlik loyihasida qatnashishni istayapti. U, hatto, o‘z maoshiga ham qayta qarab chiqishga, ya’ni kamroq pulga o‘ynashga tayyorligini bildirgan. Bu jamoaning moliyaviy ahvolini inobatga olgan holda, muhim qadam sanaladi. Futbolchining transfer bahosi va kutilmalar Bozorda Uilyamsning transfer bahosi taxminan 50 million yevro atrofida baholanmoqda. Uning yuqori tezligi, driblingdagi mahorati va yuqori darajadagi intizomi “Barselona”dagi qanot hujumlariga yangi kuch bag‘ishlashi mumkin. Xulosa: Kataloniya klubi oldida yana bir jiddiy qaror turibdi. Bir yil avval rad etgan futbolchi hozir o‘zini qayta ko‘rsatmoqda. Bu gal Laporta kechirimli bo‘ladimi yoki prinsipini ustun qo‘yadimi — buni vaqt ko‘rsatadi. Ammo bir narsa aniq: Niko Uilyams “Barsa” uchun jonini berishga tayyor.

“Barselona” klubi sport direktori Deku yosh yulduz — Lamin Yamalning maoshi atrofida paydo bo‘lgan savollarga javob berdi. Ma’lumki, 17 yoshli hujumchi bir oydan so‘ng 18 yoshga to‘ladi va yangi shartnoma asosida har yili 15 million yevro ish haqi oladi. Bu ko‘pchilikda qiziqish va bahslarga sabab bo‘ldi. — Lamin Yamal — har 10-15 yilda tug‘iladigan favqulodda iste’dod egasi. U nafaqat texnika, balki aql, harakat va yetakchilik jihatidan ham o‘z tengdoshlaridan yuza berk turibdi, — dedi Deku. — Uning yoshi 17 yoki 27 bo‘lishi muhim emas. Biz “Barsa”da futbolchi qanday ishlayotgani orqali uning qiymatini baholaymiz. Lamin esa o‘z o‘yini bilan bu maoshga munosib ekanini namoyish qilmoqda. Yakunlangan mavsumda Yamal “Barselona”ning barcha turnirlardagi 55 o‘yinida ishtirok etib, 18 ta gol va 25 ta assist bilan muxlislarni hayratga soldi. Bu natijalar uni faqat yosh yulduz sifatida emas, balki yetakchi futbolchi sifatida ham namoyon qildi. Dekuning so‘zlariga ko‘ra, klub futbolchining yoshiga emas, uning maydondagi ta’siri va natijasiga qarab qaror qabul qiladi. Lamin Yamalning 2031 yilgacha amal qiladigan shartnomasi “Barsa”ning unga bo‘lgan ishonchi va kelajak rejalari ramzidir. Bunday iste’dodlar ko‘p tug‘ilmaydi. Shuning uchun “Barselona” uni o‘z safida saqlab qolish uchun barcha shart-sharoitni yaratishga tayyor. Lamin Yamal esa bu ishonchni har bir o‘yinda o‘z o‘yini bilan oqlamoqda.

Yevropa futbol bozori yana qizib bormoqda. Ispaniyaning “Barselona” klubi Angliyaning mashhur hujumchisi Markus Reshfordni o‘z tarkibiga qo‘shish masalasini ko‘rib chiqmoqda. Sport.es nashrining yozishicha, kataloniyaliklar 27 yoshli “Manchester Yunayted” forvardini sotib olish emas, balki ijaraga olish variantlarini o‘rganmoqda. Manbalarga ko‘ra, “Barselona” rahbariyati “qizil iblislar” tomonidan so‘ralayotgan 40 million yevrolik transfer narxini juda yuqori, deb baholagan. Shunday bo‘lsa-da, agar mankunianliklar Reshfordni sotib olish huquqi bilan ijaraga berishga rozi bo‘lsa, bu shartnomaning amalga oshish ehtimoli ortishi mumkin. Kataloniya grandi hujumchining ijarasi uchun 5–10 million yevro atrofida mablag‘ to‘lashga tayyor ekanini bildirgan. Shu bilan birga, klub futbolchining mavsumiy maoshining ma’lum qismini o‘z zimmasiga olishga ham rozilik bildirmoqda. Ma’lumotlarga qaraganda, Markus Reshford “Yunayted” safida bir mavsumda taxminan 10 million yevro ishlab topadi. Biroq u "Barsa"ga o‘tish uchun ushbu summani kamaytirishga tayyorligini bildirgan. Futbolchiga bo‘lgan qiziqishning asosiy sabablaridan biri — “Barselona”ning hujum chizig‘idagi muammolardir. Jamoa yanada tezkor, texniq va universal hujumchiga muhtoj. Reshford esa qanotlardagi o‘yini, tezligi va tajribasi bilan bu bo‘shliqni to‘ldirishi mumkin. Ta’kidlash joizki, Markus Reshford oxirgi mavsumlarda o‘zining barqaror o‘yini bilan nafaqat Angliyada, balki butun Yevropa bo‘ylab e’tiborni tortgan. Uning “Kamp Nou”da paydo bo‘lishi kataloniyalik muxlislar uchun kutilmagan, biroq qiziqarli ssenariyga aylanishi mumkin. Xulosa qilib aytganda, “Barselona”ning Reshfordga bo‘lgan qiziqishi ortida moliyaviy imkoniyatlar va strategik yechimlar yotadi. Agar ikki klub o‘rtasidagi muzokaralar ijobiy yakun topsa, bu transfer yozgi oylarning eng shov-shuvli voqealaridan biriga aylanishi turgan gap. Hozircha esa barcha ko‘zlar Manchester va Barselona o‘rtasidagi muzokaralarga qaratilgan.

“Manchester Siti”ning gol mashinasi Erling Holand kelajakda La Ligada to‘p tepishni niyat qilgan. Bu haqda Ispaniya matbuotiga tayanib xabar tarqaldi. Garchi unga “Real Madrid” va “Barselona” kabi Ispaniyaning yetakchi klublari qiziqish bildirgan bo‘lsa-da, norvegiyalik forvard o‘z tanlovini allaqachon belgilab bo‘lganga o‘xshaydi. “Real” – rad etilgan yo‘nalish “El Nasional” nashri tarqatgan ma’lumotga ko‘ra, Holand “Real” safiga o‘tish imkoniyatini o‘z xohishi bilan rad etgan. Sabab – moliyaviy emas. Manbaning yozishicha, u Vinisius Junior va Kilian Mbappe kabi yulduzlar bor jamoada asosiy tarkibda muntazam o‘ynash imkoniyatiga shubha bilan qaramoqda. Shuning uchun Holandning “qirollik klubi”ga qo‘shilish rejalari hozircha kun tartibidan chiqarib yuborilgan. U o‘zining asosiy maqsadi – yetakchi o‘yinchi sifatida namoyon bo‘lishni yanada kafolatlashni xohlamoqda. “Barselona” – haqiqiy maqsad? Kataloniya klubi esa Holand uchun maqbul yo‘nalish sifatida ko‘rilmoqda. Futbolchi “Barselona” safida yetakchiga aylanib, o‘z qobiliyati va darajasini yanada ochiq namoyon etishni istamoqda. Shuningdek, u jamoaning tiklanish va qayta qurilish jarayonida muhim figuraga aylanish niyatida. Matbuotda tarqalgan xabarlarga ko‘ra, Holandning “Barsa”ga ehtimoliy transferi 2026 yilning yozida amalga oshishi mumkin. Laporta harakatda, ammo moliya hal qiluvchi omil Avvalroq jurnalistlar “Barselona” prezidenti Joan Laporta Erling Holandni olib kelishni shaxsan istashi va bu borada dastlabki harakatlarni boshlaganini yozgandi. Ammo bu transferni amalga oshirish uchun klub moliyaviy jihatdan mustahkamlashtirilishi zarur. Hozirda Holand uchun talab etiladigan transfer summasi taxminan 175 million yevroni tashkil qilmoqda. Agar kataloniyaliklar bu mablag‘ni topa olmasa, “Manchester Siti” bilan muzokaralar butunlay to‘xtab qolishi mumkin. Zamin.uz tahririyati Erling Holandning kelajakda qanday qaror qabul qilishi, qaysi klubda o‘ynashi va La Ligada qanday iz qoldirishi futbol olamidagi asosiy mavzulardan biriga aylanishi shubhasiz, deb hisoblaydi. Uning “Barselona”dagi ehtimoliy roli muxlislar uchun alohida qiziqish uyg‘otmoqda. Boshqa yangiliklar va tahlillar uchun Zamin.uz bilan qoling!

Yevropa Chempionlar ligasida yarim final to‘qnashuvlaridan so‘ng haftaning eng yaxshi futbolchisi nomi e’lon qilindi. UYEFA matbuot xizmati xabariga ko‘ra, mazkur sovrinni Milanning “Inter” jamoasi darvozaboni — Yann Zommer qo‘lga kiritdi. PSJ himoyachisi Hakimini ortda qoldirdi Shveysariyalik posbon mazkur e’tirof uchun PSJning tezkor himoyachisi Ashraf Hakimi bilan raqobatlashgan va undan ustun kelgan. Zommerning yarim finaldagi javob uchrashuvidagi mukammal harakatlari UYEFA mutaxassislari va muxlislari tomonidan yuqori baholangan. "Barselona"ga qarshi super seyvlar Kataloniyaning kuchli klubi "Barselona"ga qarshi bo‘lib o‘tgan jar muhitdagi o‘yinda Zommer o‘zini haqiqiy mahorat sohibi sifatida namoyon etdi. Darvozabon bahs davomida yetti marta muvaffaqiyatli seyv amalga oshirib, jamoasini murakkab vaziyatlardan qutqarishga muvaffaq bo‘ldi. Uning yuqori darajadagi reaksiyasi, pozitsion hissi va tajribasi “Inter”ning finalga chiqishida hal qiluvchi ahamiyat kasb etdi. 31 may — katta final kuni Endi barcha e’tibor Yevropa klub futbolining eng muhim bahsiga qaratilishi tabiiy. 31 may kuni, Germaniyaning Myunxen shahrida joylashgan stadionda “Inter” va “PSJ” jamoalari Chempionlar ligasi tituli uchun maydonga tushadi. Bu to‘qnashuv nafaqat jamoalar, balki Zommer va Hakimi kabi individual yulduzlar o‘rtasida ham qizg‘in raqobatni taqdim etadi. Zamin.uz tahririyati Yann Zommerni ushbu mukofot bilan qutlaydi va finalda ham uning yorqin harakatlarini kutmoqda. Katta o‘yinda har bir seyv, har bir harakat natijani belgilab berishi mumkin.

Milanning mashhur “Inter” klubi “San-Siro”dagi “Barselona”ga qarshi o‘yinda nafaqat finalga chiqish, balki Italiya futbolida moliyaviy rekord o‘rnatishga ham erishdi. Chempionlar Ligasi yarim final javob bahsi Italiya futboli tarixida eng ko‘p daromad keltirgan o‘yin sifatida qayd etildi. Mazkur bellashuvda “Inter” raqibini 4:3 hisobida mag‘lub etdi (ikki o‘yin natijasiga ko‘ra 7:6) va Yevropa futbolidagi finalga yo‘l oldi. Ushbu dramatik to‘qnashuvni jonli kuzatish uchun “San-Siro” stadioniga 75 504 nafar tomoshabin tashrif buyurdi. Ulardan 4 253 nafari mehmon sektorida joylashtirildi. Ushbu tarixiy kecha klub uchun juda katta iqtisodiy yutuq olib keldi — jami 14,7 million yevrolik chipta sotuvi qayd etildi. Bu Italiyada bir o‘yin uchun chipta daromadi bo‘yicha mutlaq rekord hisoblanadi. Avvalgi rekord ham aynan “Inter”ga tegishli edi. 2023 yilda o‘tkazilgan Milan derbisida, “Inter” “Milan”ni yarim finalda 1:0 hisobida yenggan (ikki o‘yin natijasiga ko‘ra 3:0) va o‘shanda chipta sotuvidan 12,5 million yevro foyda ko‘rgan edi. Yangi natija "neradzurrilar"ning marketing, brend qadriyati va muxlislar bazasining qudratini yana bir bor namoyon etdi. Shuningdek, Italiya futbolida yuqori darajadagi o‘yinlar hali ham katta qiziqish uyg‘otishi va iqtisodiy jihatdan ham juda foydali ekanini ko‘rsatdi. “Inter” PSJga qarshi finalga tayyorgarlik ko‘rar ekan, klub nafaqat maydonda, balki maydondan tashqarida ham Yevropa elitasiga daxldor ekanini isbotlamoqda.

Ispaniyaning obro‘li nashri El Nacional “Barselona” klubidagi ichki vaziyat haqida qiziqarli ma’lumot tarqatdi. Unga ko‘ra, klubdagi so‘nggi noroziliklar markazida 17 yoshli iqtidor egasi — Lamin Yamal turibdi. Yozda 18 yoshga to‘ladi — yangi shartnoma kutilmoqda Ma’lumki, Lamin Yamal 18 yoshga to‘lgan zahoti, u bilan yangi professional shartnoma tuzilishi rejalashtirilgan. Hozircha u o‘smirlarga mo‘ljallangan kelishuv asosida to‘p surmoqda va yiliga 3 million yevro maosh olmoqda. Biroq yangi bitimdan so‘ng Yamal klubdagi eng yuqori daromadga ega futbolchiga aylanishi mumkin. Manbada qayd etilishicha, uning kelgusidagi maoshi yiliga 35–40 million yevro atrofida bo‘lishi kutilyapti. Jamoada norozilik — balans buzilyaptimi? Yamalning bu darajada katta maosh olishi klubdagi bir qator futbolchilar tomonidan tanqidga uchrayapti. Ayniqsa, jamoaning tajribali va yillar davomida asosiy tarkibda to‘p surib kelayotgan a’zolari ushbu qaror orqali maoshlar o‘rtasidagi balans buzilishidan xavotir bildirmoqda. Ularning fikricha, endigina 18 yoshga to‘layotgan futbolchiga bunchalik katta moliyaviy imtiyoz berish “Barsa”dagi ichki tartibga salbiy ta’sir ko‘rsatishi mumkin. Qizig‘i shundaki, mazkur maosh jamoaning hozirgi eng ko‘p haq oluvchi futbolchisi Robert Levandovskidan ham yuqori bo‘ladi. Bu esa futbolchilar o‘rtasidagi tenglik va obro‘ masalalarida ham turli muhokamalarga sabab bo‘lmoqda. Biroq Yamalni qo‘llab-quvvatlayotganlar ham bor Shu bilan birga, jamoada Yamalning noyob iste’dodiga ishonuvchi va uni kelajakdagi yetakchi sifatida ko‘rayotgan o‘yinchilar ham kam emas. Ular Laminni “Barselona”ning yangi davri timsoli sifatida ko‘rishmoqda. Klub ichidan kelayotgan ma’lumotlarga ko‘ra, rahbariyat ham Yamalni saqlab qolish va unga uzoq muddatli loyiha sifatida qarash tarafdori. Shu bois, uning yoshidan qat’i nazar, eng yaxshi shart-sharoitlar taklif etilmoqda. “Barselona”dagi bu vaziyat yana bir bor futbolda iqtidor, yosh va pul o‘rtasidagi muvozanatni qanday saqlash kerakligini ko‘rsatmoqda. Lamin Yamal — iqtidor jihatidan shubhasiz kelajak yulduzi, ammo u bilan bog‘liq iqtisodiy qarorlar jamoa ichidagi muhitga qanday ta’sir qiladi? Siz nima deb o‘ylaysiz — Yamal haqiqatan ham bu darajadagi maoshga loyiqmi yoki “Barsa” uni erta ortiqcha yuk ostiga qo‘ymoqdami?

Kecha bo‘lib o‘tgan Ispaniya Kubogi finalida «Barselona» va «Real Madrid» o‘rtasidagi mashhur "El-Klasiko" yana bir bor muxlislarga qiziqarli va dramatik o‘yinni taqdim etdi. Hans-Diter Flik boshchiligidagi kataloniyaliklar prinsipial raqibini 3:2 hisobida yengib, sovrin sohibiga aylandi. Ushbu muhim g‘alabadan so‘ng «Barselona»ning bosh murabbiyi Hansi Flik jamoa tarixidagi eng muvaffaqiyatli murabbiylardan biri sifatida nomini qayd ettirdi. Opta Sport portali keltirgan statistikaga ko‘ra, Flik "Barselona" tarixida "Real Madrid"ga qarshi o‘zining dastlabki uchta o‘yinida ketma-ket g‘alaba qozongan ikkinchi mutaxassis bo‘ldi. Bunga qadar faqatgina mashhur ispaniyalik murabbiy Xosep Gvardiola bu kabi natijaga erishgan edi. Gvardiola o‘z vaqtida kataloniyaliklarning ustozi sifatida "Real Madrid"ga qarshi ilk besh o‘yinida ketma-ket g‘alabaga erishgandi. Hansi Flik esa hozircha uchta o‘yinda g‘alaba qozonib, Gvardiola qo‘ygan natijaga yaqinlashib qoldi va o‘zining jamoa tarixidagi o‘rnini yanada mustahkamladi. Eslatib o‘tish lozimki, Flik rahbarligida "Barselona" bu mavsumda "Real"ga qarshi jami uch marta to‘qnash keldi va har safar raqibidan kuchli ekanligini isbotladi. Avval La Liga doirasida o‘tkazilgan bahsda "Barsa" raqibini yirik 4:0 hisobida taslim qilgan bo‘lsa, keyinchalik Ispaniya Superkubogi finalida "Real"ni yanada yirikroq – 5:2 hisobida yenggan edi. Bu safar esa Ispaniya Kubogining hal qiluvchi bahsida madridliklar ustidan kichik, ammo muhim 3:2 hisobidagi g‘alaba qayd etildi. Bu orqali «ko‘k-anorranglilar» nafaqat navbatdagi sovrinni qo‘lga kiritdi, balki «El-Klasiko» tarixida yangi sahifa ochdi. Hansi Flikning qisqa vaqt ichidagi bunday katta muvaffaqiyatlari muxlislar tomonidan yuqori baholanmoqda va u «Barselona» tarixida o‘z o‘rnini topgan buyuk murabbiylar qatoridan joy olishga intilmoqda. Bu natijalar orqali Flik o‘zidan oldingi afsonaviy murabbiy Xosep Gvardiolaning rekordlari bilan raqobat qila boshladi. Ma’lumot uchun, 26 aprel kuni bo‘lib o‘tgan ushbu qizg‘in va dramatik bahsda "Barselona" asosiy raqibini mag‘lub etib, klub muxlislariga katta quvonch ulashdi hamda kubokni o‘zining sovrinlari qatoriga qo‘shib qo‘ydi.

“Barselona” hozirgi kunda Ispaniya chempionatining peshqadami. Bu natijalarga jamoa germaniyalik mutaxassis Xans-Diter Flik boshchiligida erishmoqda. Uning olib kelgan uslubi muxlislar va futbol tahlilchilari tomonidan ijobiy baholanmoqda. Klub istagi — Flikning erkin pozitsiyasi Rahbariyat ushbu muvaffaqiyatni e’tiborga olib, murabbiy bilan yangi, uzoq muddatli shartnoma borasida muzokara boshladi. Biroq Flik kutilmagan qaror qabul qildi: “Men uch yillik shartnomalarni istamayman. Erkin bo‘lishni xohlayman. Men dunyodagi eng kuchli klublardan birida ishlayapman. Yana bir yil shu yerda qolaman, keyin vaziyatga qarab qaror chiqaramiz. Agar hammamiz rozi bo‘lsak, hamkorlik davom etadi.” "Barsa"da qanday o‘zgarishlar kutilyapti? Hozircha murabbiy va klub o‘rtasida hech qanday ziddiyat yo‘q. Ammo Flikning erkin yondashuvi “Barsa”da yaqin kelajakdagi strategiya masalalarini qayta ko‘rib chiqishga sabab bo‘lishi mumkin. Siz nima deb o‘ylaysiz — “Barsa” Flik bilan uzoq yillik hamkorlikni ta’minlashi kerakmi?

2025 yil 15 dan 19 sentyabrga qadar Toshkent shahrining sakkiz tumani ayrim hududlarida issiq suv ta’minoti vaqtincha to‘xtatiladi. Bu haqda Zamin.uz xabar berdi. Bu haqda Kursiv.media xabar berdi. Issiq suv uzilishi Veolia Energy Tashkent kompaniyasi tomonidan qish mavsumiga tayyorgarlik doirasida amalga oshirilayotgan profilaktika ishlari bilan bog‘liqdir. Issiq suv ta’minoti uziladigan hududlar quyidagilardan iborat: Yashnobod tumani, jumladan Qorasuv, Beshariq, Birlashgan, Elbek, Asalobod, Quruvchilar, Uysizlar, Parkent, Chulpon, Alimkent ko‘chalari, shuningdek Tuzel-1 dan 4 gacha bo‘lgan massivlar, Uysizlar-1, Asalobod-1 va 2 massivlari hamda Aviasozlar shaharchasi. Mirobod, Yunusobod, Shayxontohur va Yakkasaroy tumanlarida Amir Temur va Mustaqillik prospektlari, Sharof Rashidov, Navoiy, Bobur, Glinka, Shota Rustaveli, Bogiboston va Arnasoy ko‘chalari hamda boshqa ayrim hududlarda issiq suv berilishi to‘xtaydi. Chilonzor tumanida Katta Chilonzor, Muqimi, Seul va Choponota ko‘chalari hamda Ts-1, 2, 4, 5, 7, Oqtepa, Chilonzor (1-5, 7, E, I), Qushbegi, Boshliq va Uchuvchilar shaharchalari issiq suv ta’minotidan uziladi. Shuningdek, Sergeli va Mirzo Ulug‘bek tumanlarining ayrim hududlarida ham issiq suv uzilishi kuzatiladi. Fuqarolardan ushbu vaqt davomida suvdan oqilona foydalanishlari va zarur ehtiyot choralarini ko‘rishlari so‘raladi. Profilaktika ishlari tugagach, issiq suv ta’minoti tiklanadi. Manba: Kursiv.media

Apple kompaniyasi yaqinda yangi iPhone 17 smartfonini taqdim etdi. Bu haqida Zamin.uz xabar berdi. Toshkentdagi "Malika" bozorida sotuvchilar bilan suhbat natijasida ushbu yangi modellar uchun taxminiy narxlar aniqlangan. Ma’lum bo‘lishicha, iPhone 17 smartfonlari O‘zbekistonda 23 sentyabrdan boshlab sotuvga chiqariladi. Narxlar xotira hajmi va qurilmaning funksiyalariga qarab farqlanadi. Masalan, iPhone 17 ning 256 gigabaytli modeli taxminan 16 million 250 ming so‘m atrofida baholanmoqda. Kattaroq xotira hajmiga ega modellarning narxi esa yuqoriroq bo‘ladi. iPhone 17 Pro va Pro Max versiyalari esa yanada ko‘p funksiyalar va imkoniyatlarga ega bo‘lib, ularning narxlari 23 million so‘mdan boshlanib, 50 million so‘mga yaqinlashadi. Ushbu yangi smartfonlar O‘zbekiston bozorida katta qiziqish uyg‘otishi kutilmoqda. Xaridorlar uchun eng maqbul variantni tanlashda xotira hajmi va byudjet muhim omillar hisoblanadi. Shuningdek, rasmiy savdo nuqtalarida to‘liq kafolat va xizmat ko‘rsatish imkoniyatlari taqdim etilishi kutilyapti. Yangi iPhone 17 modellarining O‘zbekistonda sotuvga chiqishi smartfon bozorida yangiliklar va raqobatni kuchaytiradi.

Mashhur turk aktrisasi Hande Erchel va tadbirkor Hakan Sabanji o‘rtasidagi munosabatlarga doir so‘nggi paytlarda ko‘plab mish-mishlar tarqalmoqda. Bu haqida Zamin.uz xabar berdi. Ayniqsa, juftlikning ajrashgani haqidagi xabarlar muxlislar orasida katta qiziqish uyg‘otdi. Gel Konuşalım dasturida ilk bor gapirgan Hakan Sabanji esa ularning munosabatlariga oid da’volarga o‘z munosabatini bildirdi. U shaxsiy hayoti haqida keng gapirishni istamagan bo‘lsa-da, ayrim gap-so‘zlarga aniqlik kiritdi. Hakan Sabanji ajralish masalasini muhokama qilishni istamasligini, chunki bu ularning shaxsiy hayotiga taalluqli ekanligini ta’kidladi. Shuningdek, u xiyonat haqidagi mish-mishlar mutlaqo asossizligini bildirdi. Oldinroq Hande Erchel ijtimoiy tarmoqlardagi sahifasidan Sabanji bilan tushgan barcha suratlarini o‘chirib tashlagan edi. Bu esa turk matbuotida ularning ajralgani haqidagi xabarlarga asos bo‘ldi. Mashhur jurnalist Birsen Altuntash juftlik orasida jiddiy kelishmovchilik borligini ta’kidlagan, ammo rasmiy ajrim hali sodir bo‘lmaganini ma’lum qilgan. Shunga qaramay, Hande va Hakan hanuz bir-birlariga ijtimoiy tarmoqlarda obuna bo‘lib qolishgan. Muxlislarning bir qismi ularning munosabatlari qayta tiklanishiga umid bildirsa, boshqalar esa bu jarayon shunchaki ommaviy axborot vositalari uchun reklama bo‘lishi mumkinligini taxmin qilmoqda.

Toshkent shahrida va viloyatida transport xizmatlarini yaxshilash maqsadida yangi 177-sonli avtobus yo‘nalishi ishga tushirildi. Bu haqda Zamin.uz xabar berdi. Ushbu yo‘nalish yo‘l harakati xavfsizligini ta’minlash va infratuzilmani rivojlantirish doirasida tashkil etilgan. 2025 yil 16 sentyabrdan boshlab yo‘lovchilar uchun xizmat ko‘rsatadigan ushbu marshrut Toshkent viloyatining Iftixor mahallasidan boshlanib, poytaxt markazidagi Chorsu metro bekatigacha qatnaydi. Bu yangi yo‘nalish viloyat aholisi uchun shahar markaziga qulay va tez yetib borish imkonini yaratadi. Yo‘nalishda jami sakkizta zamonaviy avtobus harakat qiladi. Ular King Long XMQ 6900EGW rusumidagi o‘rta sig‘imli, uzunligi 9,5 metr bo‘lgan transport vositalari bo‘lib, yuqori sifat va xavfsizlik talablariga javob beradi. Avtobuslar har kuni soat 05:30 dan 23:17 gacha qatnovni amalga oshiradi. Bu esa yo‘lovchilarga ertalabdan kechgacha muntazam va ishonchli transport xizmatidan foydalanish imkonini beradi. Yangi yo‘nalish ishga tushirilishi bilan viloyatdan poytaxtga keladiganlar uchun transportda katta qulaylik va vaqt tejash ta’minlanadi. Shu bilan birga, yo‘l harakati xavfsizligi oshiriladi va shahardagi transport tizimi samaradorligi yaxshilanadi. Ushbu ma’lumotlar zamin.uz sayti orqali tasdiqlangan.

Vengriyaning Seksard shahrida noodatiy va qiziqarli voqea – qabr qazish bo‘yicha 18-xalqaro chempionat bo‘lib o‘tdi. Bu haqida Zamin.uz xabar berdi. Ushbu musobaqa mamlakatning Qabr qazuvchilar uyushmasi tomonidan aniq reja va tartib asosida tashkil etildi. Tadbir kasb sohasi nufuzini oshirishga xizmat qildi. Musobaqada ishtirokchilar ikki kishilik jamoalar shaklida qatnashdi. Ularga ikki soat vaqt berildi. Shu vaqt ichida har bir jamoa 200x80 santimetr o‘lchamda va 160 santimetr chuqurlikda qabr qazishi kerak edi. Ushbu qoidalar ishtirokchilardan nafaqat mahorat, balki diqqat va tezkorlikni ham talab qildi. Chempionat yakunida Parakletosz Nonprofit jamoasi g‘olib deb topildi. Bu jamoa ketma-ket ikkinchi yil chempionlikni qo‘lga kiritdi, bu ularning puxta tayyorgarligi va kasbiy darajasining yuqori ekanligini ko‘rsatdi. Tashkilotchilarning ta’kidlashicha, bunday musobaqalar kasb nufuzini oshirish bilan birga, yosh avlodni professional mutaxassislar bilan yaqindan tanishtiradi. Shuningdek, ishtirokchilarga jamoaviy hamkorlik va sog‘lom raqobat muhitida ishlash ko‘nikmalarini rivojlantirishga yordam beradi. Bu tadbirlar kasbiy malakani oshirish va sohani yanada rivojlantirish uchun muhim ahamiyatga ega.

O‘tgan yillarda "Yuventus" jamoasida o‘ynagan taniqli futbolchi Edgar Davids tanishi Nabila Habibining o‘g‘irlik qilgani haqida xabar oldi. Bu haqida Euro-football.ru xabar berdi. Bu haqda ad.nl portali ma’lumot berdi. Nashr ma’lumotlariga ko‘ra, Davids o‘zining rasm kolleksiyasining o‘g‘irlanganini bir necha yil o‘tib bilib qolgan. U kolleksiyani ishonch bildirgan odamga topshirgan edi. Bir muddat Habibi ham uning uyida yashagan. Davids kolleksiyasi xavfsiz joyda saqlanayotganiga ishonar ekan, Habibi 37 ta rasmni o‘g‘irlab, ularni turli lombardlarga garovga qo‘ygan va taxminan 30 ming yevro olgan. 2017 yilda Habibi qarzlarini to‘lay olmagach, lombardlar rasmlarni sotish huquqiga ega bo‘lgan. Sotib olganlardan biri rasmning orqa tomonida Davidsning ismini ko‘rib, ijtimoiy tarmoqlar orqali unga murojaat qilgan. Shundan so‘ng Davids sudga murojaat qilgan. Habibi o‘g‘irlikni tan olgan. Avvalroq u jinoyat ishlari bilan bog‘liq muammolarga duch kelgan va tanishidan 3500 yevro olgan holda qoldirgan edi.

O‘zbekiston va Markaziy Osiyo mintaqasidagi hamkorlarga eʼtibor! Bu haqida Upl.uz xabar berdi. Toshkentdagi Xalqaro ko‘rgazmalar markazida yaqin kunlarda Xitoy va Markaziy Osiyo imkoniyatlarini birlashtiruvchi yirik tadbir ochiladi. 2025 yil 16-18 sentyabr kunlari O‘zbekistonda Xitoy-Markaziy Osiyo savdo ko‘rgazmasi kengaytirilgan formatda o‘tkazilib, sizga Xitoy bozoriga kirish imkoniyatlarini taqdim etadi. Ushbu ko‘rgazmada uchta asosiy yo‘nalish – yangi biznes imkoniyatlari taqdim etiladi. Texnologiyalar va ekologik rivojlanish bir joyda namoyish etiladi. Ko‘rgazmada Xitoyning ilg‘or yutuqlari, jumladan Gree kompaniyasining “Oilaviy intellektual yechimlari”, Hisense’ning “Ultraaniq displey texnologiyasi”, shuningdek, Zhejiang Hangcha va North Heavy Industry kabi yetakchi kompaniyalarning energiya tejamkor texnikalari va aqlli kon uskunalari taqdim etiladi. Tadbirda taxminan 200 dan ortiq yetakchi Xitoy kompaniyalari ishtirok etadi. Eksponatlar sensorli terminallardan tortib, biomimetik robotlar, sunʼiy intellekt asosidagi diagnostika va davolash tizimlarigacha bo‘lgan eng innovatsion sohalarni qamrab oladi. Ochilish kuni Xitoy va O‘zbekiston rasmiy idoralari vakillari, savdo-sanoat uyushmalari va kompaniyalar ishtirokida savdo va investitsiyalar bo‘yicha forum o‘tkaziladi. Maxsus maydonlarda brendlarni taqdim etish va soha bo‘yicha muzokaralar tashkil etiladi. Talablar va takliflar onlayn tarzda real vaqt rejimida eʼlon qilinadi, bu esa ko‘rgazma davomida to‘g‘ridan-to‘g‘ri xarid va hamkorlikni boshlash imkonini beradi. Shuningdek, tadbir doirasida Xitoy madaniyatini yaqinroq tanish uchun milliy imidj zonasi tashkil etiladi. Bu yerda kaligrafiya ustaxonasi, choy marosimi va qog‘oz kesish sanʼati bo‘yicha mahorat darslari o‘tkaziladi, bu esa tashrif buyuruvchilarga Xitoy madaniyati muhitini his qilish imkonini beradi. Ko‘rgazmada oltita asosiy yo‘nalish va milliy imidj zonasi namoyish etiladi: aqlli ishlab chiqarish va sanoat uskunalari, yashil energetika va energiya saqlovchilar, elektron texnologiyalar, aqlli transport, ekologik qurilish materiallari hamda raqamli savdo va xizmatlar. Eng istiqbolli sohalar, jumladan yangi energiya manbalariga ega avtomobillar, mexanik uskunalar, ekologik qishloq xo‘jaligi, maishiy elektronika va raqamli xizmatlar keng ko‘lamda taqdim etiladi. Xitoy kompaniyalari so‘nggi yutuqlarini olib kelib, bevosita hamkorlikka tayyor ekanliklarini bildiradi. Siz texnologik yangilanishni izlayotgan korxona yoki Markaziy Osiyoda o‘z brendini kengaytirmoqchi bo‘lgan tashkilot bo‘lsangiz, ushbu ko‘rgazma 2025 yil uchun muhim biznes voqeangizga aylanadi. Sizni hamkorlikka taklif qilamiz. Keling, Xitoy va O‘zbekiston o‘rtasidagi yangi imkoniyatlarni ochaylik. Bu tadbir Markaziy Osiyo savdo tarixida muhim bosqich bo‘ladi. Siz tayyormisiz?

Prezidentning qaroriga muvofiq, Toshkent shahrida ToshTech texnika universiteti tashkil etiladi. Bu haqida Zamin.uz xabar berdi. Ushbu yangi oliygoh mamlakatimizda zamonaviy muhandislik bilimlarini rivojlantirish va raqobatbardosh mutaxassislar tayyorlashda muhim ahamiyatga ega bo‘ladi. Qarorga ko‘ra, universitet akademik, moliyaviy hamda tashkiliy boshqaruv masalalarida to‘liq mustaqillikka ega bo‘ladi. Bu ta’lim jarayonini xalqaro standartlarga muvofiq tashkil etishga imkon beradi. 2025-2026 o‘quv yilidan boshlab davlat byudjeti hisobidan bir yillik tayyorlov kursi ochiladi. Ushbu kurs abituriyentlarga murakkab fanlarga tayyorlanishda yordam beradi. Keyingi yildan, ya’ni 2026-2027 o‘quv yilidan universitetda bakalavriat yo‘nalishlari faoliyat boshlaydi. Talabalar zamonaviy fanlar bo‘yicha ta’lim olish imkoniga ega bo‘ladilar. Shuningdek, 2027-2028 o‘quv yilidan magistratura va oliy ta’limdan keyingi bosqichlar ham bosqichma-bosqich joriy etiladi. Universitetda o‘qish davlat granti va to‘lov-kontrakt asosida tashkil etiladi. Darslar nafaqat o‘zbek tilida, balki xorijiy tillarda ham olib boriladi. Bu orqali talabalar xalqaro tajribaga ega bo‘lib, bilimlarini yanada kengaytirish imkoniyatiga ega bo‘ladilar. Eng muhim jihati shundaki, 2029-2030 o‘quv yiliga qadar qabul qilinadigan barcha talabalar davlat granti asosida to‘liq bepul ta’lim oladilar. Mazkur tashabbus orqali ToshTech texnika universiteti mamlakatimizdagi muhandislik va ilmiy-tadqiqot salohiyatini oshirishda, shuningdek, yoshlar uchun yangi imkoniyatlar yaratishda muhim rol o‘ynaydi (manba: zamin.uz).