Toyota 2024-yilda dunyodagi eng ko'p sotilgan avtomobil brendi bo'ldi, deb xabar berdi cenyavto.com. Yapon kompaniyasi yil davomida global miqyosda taxminan 10,7 million yangi avtomobil sotdi. Shunga qaramay, 2024-yilda Toyota mahsulotlariga bo'lgan talab 4% ga kamaydi, ya'ni kompaniya sotuvlar kamaygan davrda ham yuqori natijalarga erishdi.
Qiziqarli tomoni shundaki, Toyota global bozor yetakchisi bo'lib qolsa-da, elektr avtomobillarni juda kam miqdorda sotmoqda. Taxminan 10,7 million avtomobildan faqat 140 mingga yaqini elektr mashinalar bo'lib, bu umumiy miqdorning taxminan 1,3% ini tashkil etadi.
Bu natija ko'plab ishlab chiqaruvchilar uchun ko'rsatkich bo'lib, dunyoning katta qismi (asosan Xitoydan tashqari) hali ham ichki yonuv dvigatelli avtomobillarni sotib olishga intilayotganini anglatadi. Biroq, Toyota avtomobillarining yuqori mashhurligining sabablaridan biri kompaniyaning deyarli barcha bozorlarda mavjudligidir.
Toyota 2024-yilda dunyo bo'ylab eng ko'p sotilgan brend bo'ldi
👍 0❤️ 0😂 0😢 0😡 0
