Yana bir qashqadaryolik o‘quvchi 189 ball oldi

Qashqadaryo viloyatida joylashgan Avitsenna school NTM maktabining 11-sinf o‘quvchisi Qobilov Kamron muddatidan oldin kirish imtihonlari uchun eng yuqori — 189 ballni to‘pladi, deb xabar berdi Ta’lim xabarlari.

U umumta’lim fanlari bo‘yicha milliy sertifikatga ega bo‘lgan. Sertifikat natijalari quyidagicha:

– Kimyo — A+
– Biologiya — A+
– Ona tili — C+
– Matematika — C
– Tarix — C+

Eslatib o‘tamiz, bundan avval ham bir qashqadaryolik o‘quvchi qiz 189 ball bilan ajralib chiqqani haqida xabar berilgan edi. Endilikda Kamron Qobilov ham ushbu yutuqni qayd etib, viloyatdagi iqtidorli o‘quvchilar safini boyitdi.