1-may kuni Surxondaryo viloyati Denov tumanida ruhiy kasalliklar dispanserida ro‘yxatda turgan ayol 3 yoshli qizchaga oshxona pichog‘i bilan og‘ir tan jarohatlari yetkazdi, deb Uz24.uz xabar berdi. Qizaloq shifoxonaga yetkazilgan, biroq shifokorlar uni qutqara olishmagan.
Bosh prokuratura ma’lumotiga ko‘ra, gumonlanuvchi protsessual tartibda ushlangan. Unga nisbatan Jinoyat kodeksining 97-moddasi (qasddan odam o‘ldirish) bilan jinoyat ishi qo‘zg‘atilgan.
Hozirda tergov harakatlari olib borilmoqda.
