Leo yangi soch turmagi bilan muxlislarni hayratda qoldirdi
Mashhur o‘zbek blogeri Leo ijtimoiy tarmoqlarda yangi, butunlay o‘zgargan ko‘rinishi bilan katta qiziqish uyg‘otdi. Bu haqida Upl.uz xabar berdi.
O‘zining sahifasida u zamonaviy va qisqa soch turmagini namoyish qilgan videoni joylashtirdi. Leo o‘zining yangi soch turmagini «ajralish soch turmagi» deb atadi.
Bu ibora tezda auditoriyaning e’tiborini tortdi, chunki ko‘pchilik bunday tashqi ko‘rinishdagi o‘zgarishlarni hayotdagi muhim bosqichlar va yangi boshlanishlar bilan bog‘laydi. Shuningdek, bloger qiz oldin bir yil davomida uchrashgan yosh yigitidan ajrashgani haqida ma’lumot bergan edi.
Ajralish sabablari haqida u hech qanday tafsilotlarni oshkor qilmagan va shaxsiy hayotiga oid masalalarga kirishmaslikni afzal ko‘rgan. Leo o‘zgarish bilan yangi sahifani ochishga tayyor ekanligini bildirgan.
Bu holat ijtimoiy tarmoqlarda ko‘plab izohlar va munozaralarga sabab bo‘ldi. Uning yangi imiji ko‘plarga ilhom manbai bo‘ldi va yangi bosqichga qadam qo‘yishning ramzi sifatida qabul qilindi.
