Pikassoning Dora Maar portreti Gongkongda sotiladi

Christie’s auksion uyi ma’lumotiga ko‘ra, 26 sentyabr kuni Gongkongda 20 va 21 asr san’atiga bag‘ishlangan savdo marosimi o‘tkaziladi. Bu haqda Zamin.uz xabar berdi.

Ushbu tadbirda Pablo Pikassoning mashhur asarlaridan biri – Dora Maar portreti sotuvga qo‘yiladi. Bu asar 1944 yilda, nemislar Parijni ishg‘ol qilgan paytda chizilgan bo‘lib, mutaxassislar tomonidan 11 dan 14 million dollargacha baholanmoqda.

Portret rassom va syurrealist ijodkor, shuningdek, fotograf Dora Maar bilan Pikasso o‘rtasidagi to‘qqiz yil davom etgan munosabatlarning yakunida yaratilgan. Aynan shu davrda Pikasso “Yig‘layotgan ayol” kabi dunyo miqyosida tanilgan ko‘plab asarlarni yaratgan.

Ushbu savdo san’at ixlosmandlari uchun noyob imkoniyat bo‘lib, san’at tarixida o‘ziga xos o‘rin tutgan asarlarning qadri yanada oshadi.