Yosh rejissyor noodatiy usul bilan stajirovka oldi

AQShlik yosh rejissyor Darshan Patel o‘zini tanitish uchun noodatiy usulni qo‘llab, mashhur sahnalashtiruvchi Oskar Boyson bilan stajirovka qilish imkoniyatiga ega bo‘ldi. Bu haqda Zamin.uz xabar berdi.

Bu haqda Business Insider xabar berdi. Patelning aytishicha, u Boyson bilan bog‘lanishga bir necha bor uringan, ammo ijtimoiy tarmoqlar va elektron pochta orqali murojaatlari natijasiz bo‘lgan.

Shundan so‘ng u kutilmagan usulni sinab ko‘rishga qaror qiladi. Patel Venmo to‘lov servisida Boysonning akkauntini topib, unga “Bu kelishuvni qo‘llab-quvvatlash uchun” degan izoh bilan 50 sent va o‘z rezyumesiga havola yuboradi.

“Bu g‘oya kutilmaganda paydo bo‘ldi. Keyin esa o‘z-o‘zimdan: ‘Men nima qildim?’ deb o‘yladim.

Bu ish har xil natija bilan tugashi mumkin edi,” — deydi Patel. Oradan bir oy o‘tib, Patel Boysonga rasmiy maktub yo‘llab, Venmo orqali amalga oshirgan tranzaksiyasini yana bir bor eslatadi.

Bunga javoban Boyson uni suhbatga taklif qiladi va natijada Patel stajirovka qilish imkoniyatini qo‘lga kiritadi. “Ishni boshlaganimizda o‘sha Venmo yubormasi haqida kulib gaplashib oldik,” — deydi Patel.

Mazkur stajirovka Patelga professional aloqalar o‘rnatish va kino sohasida o‘z o‘rnini topishga yordam berdi. Yosh rejissyorning avvalgi yutuqlari ham e’tiborga loyiq: uning “Lu va Jeyn” nomli qisqa metrajli filmi Chelsi kinofestivalida namoyish etilgan.

Shu yilning yozida u yana uchta qisqa metrajli filmni suratga oldi va hozirda to‘liq metrajli film ustida ishlamoqda. Hozirda Patel o‘zining marketing agentligini boshqaradi, ammo asosiy e’tiborini kinoga qaratmoqda.

U kelajakda rejissyorlik va prodyuserlik faoliyatiga to‘liq o‘tib, mustaqil kinostudiya tashkil etishni maqsad qilgan.