Renuarning noma’lum kartinasi 1,8 mln yevroga sotildi
Per Ogyust Renuarning ilgari noma’lum bo‘lgan kartinasi Parijda bo‘lib o‘tgan Drouot auksionida 1,8 million yevroga sotildi. Bu haqda Zamin.uz xabar berdi.
Ushbu asarda rassomning o‘g‘li Jan va uning enagasi tasvirlangan. Bu haqda "The Guardian" nashri xabar berdi.
Moybo‘yoqda ishlangan "Bola va uning o‘yinchoqlari - Gabriel va rassomning o‘g‘li Jan" nomli ushbu polotno ilgari na ko‘rgazmalarda namoyish etilgan, na sotuvga qo‘yilgan. Rasm Jan Renuarning cho‘qintirgan onasi Janna Bodoga tegishli bo‘lgan.
Janna Bodo nafaqat rassomning yaqin do‘sti, balki uning shogirdi ham edi. San’atshunos Paskal Perrenning ta’kidlashicha, ushbu polotno hech qanday restavratsiyadan o‘tmagan va juda yaxshi holatda saqlangan.
Eslatib o‘tamiz, 1894 yilda tug‘ilgan Jan Renuar keyinchalik mashhur rejissyorga aylangan. U 1975 yilda "Alohida yutuqlar" uchun "Oskar" mukofotini qo‘lga kiritgan.
U yaratgan mashhur filmlar orasida Birinchi jahon urushi davrida ikki fransuz harbiy asirining nemis asirligidan qochishga urinish tarixiga bag‘ishlangan "Buyuk illyuziya" kartinasi ham mavjud.
