Feruza Normatova unga qo‘yilgan ayblovlarni rad etdi
Aktrisa Feruza Normatova o‘ziga nisbatan bildirilgan ayblovlar va yozilgan ariza haqida keskin munosabat bildirdi. Bu haqda Zamin.uz xabar berdi.
Bu haqda u Instagram sahifasida joylashtirilgan videoda ma’lum qildi. Uning so‘zlariga ko‘ra, rasmiy xat orqali uni “ma’muriy javobgar shaxs” sifatida ayblashgan, biroq aktrisa bu holatni asossiz deb hisoblaydi.
Videoda Feruza o‘z fikrlarini quyidagicha izohladi: “Biz oddiy hayot kechira olmaymizmi? Baxtli yashashga haqqimiz yo‘qmi?
Mening ustimdan ham yozib berishibdi. Endi meni ham ayblashmoqchimisizlar?
Uyimizga rasmiy xat kelibdi. Lekin men hech qanday huquqbuzarlik qilmagan bo‘lsam, qanday qilib meni aybdor qilish mumkin?
Ayblayotgan odam men emasman, bunga aminman.” Shuningdek, aktrisa ayrim mas’ul xodimlarning faoliyatini ham qayta ko‘rib chiqish lozimligini ta’kidladi. U quyidagicha fikr bildirdi: “Ba’zi qonun xodimlarini ham tekshirish kerak.
Ularning faoliyati yuzasidan ham tekshiruv o‘tkazilishi shart, deb hisoblayman.” Feruza Normatovaning ushbu murojaati ijtimoiy tarmoqlarda keng muhokamalarga sabab bo‘lmoqda. Ko‘pchilik uning so‘zlariga qo‘llab-quvvatlov bildirgan bo‘lsa, ayrimlar bu masalada turli fikrlarni bildirmoqda.
