Aktrisa Feruza Normatova uzoq tanaffusdan so‘ng turmush o‘rtog‘i bilan birga tushgan suratlarini ijtimoiy tarmoqlarda namoyish etdi. Bu haqda Zamin.uz xabar berdi.
Avvalroq u eri bilan tushgan surat va videolarni ommaga oshkor qilmagan edi. Ammo yaqinda aktrisa o‘zining Instagram sahifasida turmush o‘rtog‘i bilan tushgan bir nechta suratlarini muxlislari bilan bo‘lishdi.
Mazkur suratlar va videolar ijtimoiy tarmoq foydalanuvchilari tomonidan iliq kutib olindi. Ko‘plab izohlarda muxlislar ularga baxt va tinchlik tilashdi, shuningdek, “ko‘z tegmasin” degan istaklarini bildirishdi.
Ayrim izohlarda esa muxlislar o‘z xavotirlarini ham izhor etishdi. Masalan, bir muxlis: “Rasmlarni ko‘p joylamang, dushmanlaringiz ko‘payib ketmasin,” deb yozgan.
Feruza Normatova esa bu izohga hazil aralash kulgili javob qaytardi: “Uje kech, ko‘payib bo‘ldi.” Mazkur holat ijtimoiy tarmoq foydalanuvchilari orasida katta qiziqish uyg‘otdi va aktrisaning oilaviy hayotiga nisbatan iliq munosabatlarning yanada ortishiga sabab bo‘ldi.
