Shahzoda Muhammedova – mehribon ona, sevimli turmush o‘rtoq va lider ayol sifatida tanilgan. Bu haqda Zamin.uz xabar berdi.
Quyida uning hayoti va faoliyati haqida 7 ta qiziqarli faktni keltiramiz: 1. Shahzoda Muhammedova 1991-yil 15-aprelda Toshkent shahrida, tadbirkor va huquqshunoslar oilasida tug‘ilgan.
U oilaning yagona qiz farzandi bo‘lib, bolaligida ma’lum cheklovlar bilan tarbiyalangan. 2.
U aktyorlik faoliyatini “Tundan tonggacha” filmi orqali boshlagan. Ushbu film uchun kasting jarayoni 3 oy davom etgan va boshida Shahzoda ushbu rolga tanlanmasligini o‘ylagan.
Ammo oxir-oqibat mazkur rol unga nasib etgan. 3.
Shahzodaning otasi tadbirkor va prokuror bo‘lgan. U qizining 13 yoshida avtohalokat oqibatida vafot etgan.
Aktrisaning so‘zlariga ko‘ra, ba’zi odamlar bu hodisani atayin uyushtirilgan deb hisoblashadi. 4.
Shahzoda asli Qashqadaryolik tadbirkor Marat Hamdamov bilan turmush qurgan. Ularning ikki nafar farzandi bor – qizi Milana va o‘g‘li Dinislom.
5. Aktrisaning to‘yi katta shov-shuv bilan o‘tgan bo‘lib, taxminan 65 ming AQSh dollariga tushgani aytiladi.
6. Uning turmush o‘rtog‘i Shahzodaning aktyorlikdan ko‘ra boshlovchilik faoliyatiga e’tibor qaratishini xohlaydi.
Shahzoda buni turmush o‘rtog‘ining rashkiga bog‘laydi. 7.
Shahzoda Muhammedova nafaqat aktrisa, balki dizayner sifatida ham o‘zini namoyon qilgan. U oilasiga va ijodiy faoliyatiga birdek e’tibor qaratishga harakat qiladi.
Shahzoda Muhammedova o‘zining shaxsiy hayoti va ijodi bilan ko‘plab insonlarga o‘rnak bo‘lib kelmoqda.
