Shahzoda qizi Milanaga bag‘ishlangan qo‘shiq yaratdi
Shahzoda Muhammedova san’at, moda va televideniyeda o‘z o‘rniga ega bo‘lgan ijodkorlardan biridir. Bu haqda Zamin.uz xabar berdi.
U yaqinda qizi Milana uchun maxsus ijro etilgan yangi qo‘shig‘i – “Pink Barbie”ning premyerasi yaqin kunlarda bo‘lib o‘tishini ma’lum qildi. Ushbu yangilikni u o‘zining Instagram sahifasida, shuningdek, qizi Milanaga tegishli sahifada e’lon qildi.
Qo‘shiqning nomi, musiqiy uslubi va vizual ko‘rinishlari allaqachon ijtimoiy tarmoqlarda katta qiziqish uyg‘otgan. Ayniqsa, ona va qizning ijodiy hamkorligi, qo‘shiqdagi quvnoq va yorqin kayfiyat, shuningdek, “Barbie” uslubidagi o‘ziga xos yondashuv muxlislar orasida iliq qarshi olindi.
Premyera sanasining yaqinlashishi bilan “Pink Barbie” qo‘shig‘i atrofida qiziqish va shov-shuv yanada ortib bormoqda. Ko‘pchilik taronaning tezroq chiqishini intiqlik bilan kutmoqda va ijtimoiy tarmoqlarda o‘z fikrlarini bildirmoqda.
Ushbu ijodiy loyiha ona va qizning o‘zaro mehr-muhabbati va ular orasidagi samimiy hamkorlikni yana bir bor namoyon etmoqda.
