Abdurahim sahnada ukasiga avtomobil sovg‘a qildi
"X-faktor" ko‘rsatuvi ishtirokchisi Abdurahim ukasiga avtomobil sovg‘a qildi "Mitti vayn" orqali mashhurlikka erishgan va "X-faktor" loyihasida ishtirok etayotgan Abdurahim tomoshabinlar uchun unutilmas va ta’sirli lahza yaratdi. Bu haqda Zamin.uz xabar berdi.
U sahnada ukasiga yangi avtomobil sovg‘a qilishini e’lon qildi. Mazkur hodisa haqida Abdurahim o‘zining ijtimoiy tarmoqlari orqali video va izoh qoldirdi.
U o‘z so‘zlarida ukasiga bo‘lgan mehrini quyidagicha ifoda etdi: "Otam rahmatlini ‘Kenjatoy’lari, umring uzoq bo‘lsin. Sani yaxshi ko‘raman… Oilamiz nomidan va, albatta, rahmatli otam berishga ulgura olmagan sovg‘alarini berdim." Sahnadagi bu samimiy lahza tomoshabin va muxlislar tomonidan katta olqishlar bilan kutib olindi.
Ko‘plab izohlar va fikrlar bildirilgan bo‘lib, unda Abdurahimning oilasiga bo‘lgan hurmati, ukasiga nisbatan mehribonligi va otasining o‘rnini to‘ldirishga bo‘lgan intilishi yuqori baholandi. Ushbu voqea nafaqat oilaviy qadriyatlarni aks ettirdi, balki tomoshabinlarga mehr-oqibatning naqadar muhimligini yana bir bor eslatdi.
