Marjona Mirzaaliyeva o‘g‘lining 3 yoshini nishonladi
Aktrisa Marjona Mirzaaliyeva o‘g‘lining 3 yoshga to‘lgan kunini nishonladi. Bu haqda Zamin.uz xabar berdi.
U o‘zining Instagram sahifasi orqali ushbu quvonchli kunni aks ettiruvchi surat va videolarni joylashtirib, bu baxtli onlarni o‘z muxlislari bilan bo‘lishdi. Marjona post ostida quyidagi samimiy so‘zlarni yozib qoldirdi: "Jonim bolam, Alloh tomonidan menga in’om etilgan aziz farzandim, ko‘zimning nuri.
Ilohim, Alloh suygan bandalardan bo‘ling. 3 yoshingiz muborak bo‘lsin!
Onalik baxtini bergani uchun Yaratganga cheksiz shukr. Siz bilan birga o‘tgan sinovlarimiz ortda qoldi.
Alloh doim bizning hamrohimiz bo‘lsin. Sizni menga hadya qilgan Robbimga minnatdorman.
Hayotimning mazmuni bo‘lgan farzandim, tug‘ilgan kuningiz muborak bo‘lsin!" Shuningdek, ushbu post orqali aktrisaning o‘g‘li Muhammadhabib ekanligi ma’lum bo‘ldi. Marjona o‘z farzandining tug‘ilgan kuni munosabati bilan mehr va minnatdorchilikka to‘la so‘zlar bilan muxlislarini ham iliq taassurotlarga chorladi.
