Turk seriallari yulduzi Hande Erchel yana omma e’tiborida. Bu haqda Zamin.uz xabar berdi.
Avvalroq uning Onur Guvenatam bilan munosabatlari ko‘plab muhokamalarga sabab bo‘lgan bo‘lsa, endilikda aktrisaning Londonga ko‘chib o‘tishi haqidagi xabarlar tarqaldi. Turk matbuoti xabariga ko‘ra, Hande Erchel Buyuk Britaniyaning poytaxtida qimmatbaho uy sotib olgan.
Mazkur uyning narxi 200 million turk lirasi, ya’ni taxminan 4,7 million dollarni tashkil etadi. Aytilishicha, aktrisa yaqinda Turkiyadagi uyiga qaytib, hujjatlar va ko‘chish bilan bog‘liq ishlarni hal qilgan.
Hande Erchel bu xabarlar yuzasidan hozircha rasmiy izoh bermagan. Ammo uning muxlislari bu xabarlarni noto‘g‘ri talqin qilishganini ta’kidlashmoqda.
Chunki ilgariroq aktrisaning Londonda yashash rejalari haqida so‘z borgan bo‘lsa-da, bu doimiy ko‘chib ketish emas, balki vaqtinchalik bo‘lib, ta’til, dam olish va aktyorlik kurslarida qatnashish maqsadida amalga oshirilishi aytilgan edi. Bundan tashqari, Hande Erchel Londonda uzoq muddatli ijara asosida uyda yashab kelgani ma’lum.
Ammo teleboshlovchi Eje Erkenning so‘zlariga ko‘ra, aktrisa endilikda ushbu uyni sotib olgan. Shuni ham ta’kidlash joizki, aktrisaning aktyorlik faoliyatini to‘xtatishi haqidagi taxminlar asossiz.
Hande Erchel bir necha intervyusida kino uning hayotining muhim qismi ekanini qayd etgan. Londondagi uy esa uning kasbiy faoliyati va shaxsiy hayotini uyg‘unlashtirish, dam olish va yangi loyihalarda ishtirok etish uchun qulay imkoniyat yaratadi.
