Till Lindemann Toshkentda epatajsiz konsert berdi
Rammstein guruhining solisti Till Lindemann Toshkent shahrida konsert berdi. Bu haqda Zamin.uz xabar berdi.
Bu galgi chiqishi odatdagidan farqli ravishda epataj va noodatiy unsurlarsiz o‘tdi. Avvalroq uning Qozog‘istondagi konsertlarida tomoshabinlar tomon baliq va piroglar uloqtirgani haqida xabarlar chiqqandi.
Toshkentdagi konsert 9-yanvar kuni Axelon Karting Centre hududida tashkil qilindi. Tashkilotchilarning ma’lumotiga ko‘ra, tadbirga kelgan tomoshabinlarning qariyb yarmi xorijlik bo‘lib, ularning aksariyati Rossiyadan tashrif buyurgan.
Chiptalar narxi 1,2 million so‘mdan boshlanib, VIP hududga kirish uchun 4 million so‘m belgilangan edi. Konsertga faqat voyaga yetgan shaxslar kiritildi.
8 ming kishiga mo‘ljallangan maydonning 80 foizi to‘ldi. Chiqish davomida Till Lindemann tomoshabinlarni «Davaй, davaй!» deya ruhlantirdi va konsert yakunida «Danke, спасибо!» so‘zlari bilan minnatdorlik bildirdi.
Till Lindemann — nemis musiqachisi, shoir va vokalist bo‘lib, u Rammstein guruhining bosh solisti sifatida tanilgan. U kuchli ijro uslubi va provokatsion sahna obrazlari bilan mashhur.
Shuningdek, Lindemann o‘zining yakkaxon loyihasi va she’riy to‘plamlari bilan ham ijodiy faoliyatini davom ettirib keladi.
