Timur Alixonov nega ijaraga ko‘chganini tushuntirdi
Bloger Timur Alixonov ijtimoiy tarmoqdagi sahifasida yaqinda nima sababdan o‘z uyi bo‘lsa-da, ijaradagi uyga ko‘chib o‘tganini tushuntirib o‘tdi. Bu haqda Zamin.uz xabar berdi.
Uning obunachilaridan biri unga: “Nega tayyor uyingiz bor bo‘lsa-da, ijarada yashayapsiz?” degan savol bilan murojaat qilgan. Timur bu savolga javoban o‘z uyi 42 kvadrat metrli, bir xonali bo‘lib, asosan yosh oilalar uchun mo‘ljallanganini aytdi.
U farzandli oilaga bunday uy qulay emasligini ta’kidladi. Bundan tashqari, uyi 16-qavatda joylashgani sababli, kelajakda farzandi baland qavatda yashashda qiyinchilikka duch kelishi mumkinligidan xavotir bildirgan.
Shuningdek, u o‘z uyida ba’zi ishlarini amalga oshira olmasligini ham qayd etdi. Jumladan, mehmon kutish uchun alohida joy yo‘qligi va oshxonaning kichikligi sababli turmush o‘rtog‘i Farida oshxonada noqulaylik sezgan.
Blogerlik faoliyati bilan shug‘ullanishlari uchun yorug‘, keng va qulay sharoitga ega xonadon zarur bo‘lgan. Shu omillarni inobatga olib, Timur va turmush o‘rtog‘i kengroq oshxonasi va mehmonxonasi bo‘lgan ijaradagi uyga vaqtincha ko‘chib o‘tishga qaror qilishgan.
Bu qaror ularning oilaviy va ish faoliyatini qulayroq tashkil qilish uchun qabul qilingan.
