Yulduz Rajabova va Emre Kiviljim Toshkentda to‘y qiladi
O‘zbekistonlik mashhur aktrisa Yulduz Rajabova va turk kino yulduzi Emre Kiviljimning nikoh marosimi ko‘plab muxlislar e’tiborida. Bu haqda Zamin.uz xabar berdi.
17-fevral kuni Istanbulda o‘tkazilgan nikohdan so‘ng, ko‘pchilik juftlikning katta to‘yi qachon bo‘lishini qiziqish bilan kutmoqda. Yaqinda bo‘lib o‘tgan spektakl premyeralaridan birida jurnalistlar Emre Kiviljimdan to‘y marosimi haqida so‘rashdi.
Turk aktyori to‘y marosimini Toshkent shahrida o‘tkazishni rejalashtirganliklarini aytdi. Uning so‘zlariga ko‘ra, dastlab nikoh va kichik ziyofatni sir saqlashni istashgan, biroq mehmonlar tomonidan ijtimoiy tarmoqlarga joylangan suratlar tufayli bu yangilik tezda tarqalib ketgan.
Emre Kiviljim to‘y marosimi yaqin bir-ikki oy ichida bo‘lishini ta’kidladi. Hozirda yulduzli juftlik katta tantanaga tayyorgarlik ko‘rmoqda.
Muxlislar aktrisaning o‘zbekona urf-odatlar asosida o‘tadigan to‘yini intiqlik bilan kutishmoqda.
