Londonning Arsenal klubi Madridning Real jamoasidan qanot hujumchisi Rodrigoni sotib olish rejasidan voz kechmadi. Bu haqida Euro-football.ru xabar berdi.
Yaqinda Arsenal hujumining boshqa qanot o‘yinchisi Noni Madueke Chelsea klubidan 55 million yevrodan oshiq narxda transfer qilindi. CaughtOffside manbasining xabar berishicha, ingliz futbolchining kelishi Arsenalning Rodrigoga bo‘lgan qiziqishini kamaytirmadi.
London klubi hali ham braziliyalik yulduzni o‘z jamoasiga jalb qilishni maqsad qilgan va Realga Rodrigoni sotib olish uchun 80 million yevro taklif qilishga tayyor. Transfermarkt saytida Rodrigoning narxi 90 million yevro deb ko‘rsatilgan.
Real jamoasi esa 24 yoshli futbolchi uchun 100 million yevrodan ko‘proq summa talab qilishi mumkinligi aytilmoqda. Arsenal jamoasi Rodrigoni o‘z tarkibiga qo‘shib, hujumdagi imkoniyatlarini kuchaytirishni rejalashtirmoqda.
