Manchester Yunayted jamoasi AQShda o‘tkazilgan o‘rtoqlik uchrashuvida Bornmut ustidan yirik hisobda g‘alaba qozondi. Bu haqida Euro-football.ru xabar berdi.
Uchrashuv 4:1 hisobida yakunlandi. Uchrashuvning 8-daqiqasidayoq Manchester Yunayted hujumchisi Rasmus Hoylund hisobni ochdi.
Bu uning may oyidan buyon urgan ilk goli bo‘ldi. 25-daqiqada esa Patrik Dorgu hisobni ikki barobarga oshirdi va jamoasining ustunligini mustahkamladi.
Tanaffusdan keyin mankunianliklar yana ikki bor raqib darvozasini ishg‘ol qilishga muvaffaq bo‘ldi. Amad Diallo va Itan Uilyams o‘z jamoalari foydasiga gol urishdi.
Bornmut esa faqatgina uchrashuv oxirida bitta javob goli bilan cheklanishga majbur bo‘ldi. Bu golni esa Mattys de Ligt o‘z darvozasiga urib qo‘ydi.
Manchester Yunayted 4-avgust kuni navbatdagi o‘rtoqlik uchrashuvini o‘tkazadi va bu safar uning raqibi Everton bo‘ladi. Bornmut esa biroz oldinroq Vest Hem jamoasi bilan bahs olib boradi.
Ushbu uchrashuvlar yangi mavsumga tayyorgarlik jarayonining bir qismi hisoblanadi.
