Manchester Yunayted yangi mavsumga jiddiy tayyorlanmoqda

"Manchester Yunayted" bosh murabbiyi Ruben Amorim jamoasining yangi mavsumga tayyorgarligi haqida o‘z fikrlarini bildirdi va ingliz futbolchilarining nazorat uchrashuvlaridagi o‘yinini baholadi. Bu haqida Euro-football.ru xabar berdi.

Murabbiyning aytishicha, futbolchilar endi bir-biri bilan ko‘proq hamkorlik qilmoqda. Bu ham maydonda, ham undan tashqarida yaqqol ko‘rinmoqda.

Ularning jismoniy holati mustahkamlandi, harakatlari tezlashdi. Hozircha faqat mavsumoldi tayyorgarlik bosqichi bo‘lishiga qaramay, jamoa o‘yinidagi intensivlik va sifat ancha oshgani sezilmoqda.

Ruben Amorim jamoa har kuni o‘z ustida ishlayotganini ta’kidladi. Shuningdek, bosh murabbiy mavsum davomida futbolchilarga bosim kuchayishini, bu esa natijalarga ta’sir qilishi mumkinligini ham eslatib o‘tdi.

Uning so‘zlariga ko‘ra, jamoa har doim yuqori natijaga intiladi va tayyorgarlik jarayoni bunga xizmat qiladi. Eslatib o‘tamiz, "Manchester Yunayted" mavsumoldi tayyorgarlik doirasida ikki nazorat uchrashuvi o‘tkazdi.

Dastlab, "Vest Xem" ustidan 2:1 hisobida g‘alaba qozonildi, keyin esa "Bornmut" jamoasiga qarshi o‘yinda 4:1 hisobida zafar quchildi. Bu natijalar jamoaning yangi mavsumga jiddiy tayyorlanayotganidan dalolat beradi.