Parij Sen-Jermen klubi hujumchisi Gonsalu Ramush bilan tezda xayrlashishga shoshilmayapti. Bu haqida Euro-football.ru xabar berdi.
Klub rahbariyati portugaliyalik futbolchini jamoaning muhim a’zosi deb hisoblaydi va uni transfer qilishga hohish bildirmayapti. Biroq murabbiy Luis Enrike unga asosiy tarkibda doimiy o‘rin bera olmayapti.
Ma’lumotlarga ko‘ra, Angliyaning nomi oshkor qilinmagan klubi Ramush uchun 50 million yevrodan ortiq taklif qilgan, biroq Parij Sen-Jermen bu taklifni rad etgan. Shuningdek, 24 yoshli hujumchini Italiyaning Milan klubi bilan ham bog‘lashdi, ammo bu transfer ham amalga oshishi ehtimoldan yiroq.
O‘tgan mavsumda Gonsalu Ramush Parij Sen-Jermen safida jami 46 o‘yinda maydonga tushib, 19 ta gol urgan va 6 ta golli uzatma amalga oshirgan. U barcha musobaqalarda jamoasiga muhim hissa qo‘shgan.
Klub ayni paytda Ramushni saqlab qolishni maqsad qilmoqda va uning kelajagi borasida yakuniy qaror hali qabul qilinmagan. Shu sababli, futbolchining boshqa klublarga o‘tishi hozircha kutilmayapti.
