“Milan” futbol klubi yarim himoyachisi Ismoil Bennaser faoliyatini Rossiyada davom ettirishi mumkin. Bu haqida Euro-football.ru xabar berdi.
Bu haqida futbol bo‘yicha insayder Nikolo Skira xabar berdi. Uning so‘zlariga ko‘ra, Rossiyaning bir klubi “Milan”dan 27 yoshli yarim himoyachi Bennaser haqida ma’lumot so‘ragan.
Ma’lum qilinishicha, hozirda Bennaser Italiya jamoasi rejalari doirasiga kirmaydi. Bundan tashqari, Turkiyadan ham bir jamoa “Milan”ga Bennaser bo‘yicha murojaat qilgan.
Eslatib o‘tamiz, o‘tgan mavsumning ikkinchi yarmida Bennaser Fransiyaning “Marsel” klubida ijarada o‘ynagan edi. U “Marsel” tarkibida jami 12 ta o‘yinda maydonga tushib, 2 ta golli uzatma amalga oshirdi.
Hozirda Bennaserning “Milan” bilan shartnomasi 2027 yilgacha mo‘ljallangan. Transfermarkt mutaxassislarining baholashicha, jazoirlik futbolchining transfer qiymati 15 million yevroga teng.
Shu bois, uning kelajagi borasida hali aniq qaror qabul qilinmagan. Bennaser faoliyatini qayerda davom ettirishi yaqin kunlarda ma’lum bo‘lishi kutilmoqda.
