Opta kompaniyasi mutaxassislari superkompyuter yordamida Angliya Premer-ligasining yangi mavsumida jamoalarning chempionlik imkoniyatlarini hisoblab chiqdi. Bu haqida Euro-football.ru xabar berdi.
Oldinroq xabar berilganidek, eng yuqori imkoniyat “Liverpul” jamoasiga tegishli. Arne Slot boshchiligidagi bu jamoa yangi mavsumda chempionlik unvonini himoya qiladi.
Superkompyuter natijalariga ko‘ra, “Manchester Yunayted” jamoasining chempion bo‘lish ehtimoli atigi 0,6 foiz deb baholangan. Premer-ligada jami 11 ta jamoa “Manchester Yunayted”dan yuqoriroq imkoniyatga ega.
Ular orasida “Liverpul” (28,5 foiz), “Arsenal” (24,3 foiz), “Manchester Siti” (18,8 foiz), “Chelsi” (8,4 foiz), “Aston Villa” (5,1 foiz), “Nyukasl” (5,1 foiz), “Kristal Pelas” (2,9 foiz), “Brayton” (2,2 foiz), “Bornmut” (1 foiz), “Brentford” (0,8 foiz) va “Nottingem Forest” (0,7 foiz) jamoalari bor. O‘tgan mavsumda “Manchester Yunayted” Angliya chempionatida 15-o‘rinni egallagan edi.
Yangi Premer-liga mavsumi 15-avgustdan boshlanishi rejalashtirilgan.
