Pepa Reyna o‘z avlodining eng yaxshi darvozabonlarini nomladi
Ispaniya milliy jamoasining sobiq darvozaboni Pepe Reyna o‘z avlodi eng yaxshi darvozabonlarini nomladi. Bu haqida Euro-football.ru xabar berdi.
42 yoshli futbolchi 2024/2025 mavsumining oxirida faoliyatini yakunlashini ma’lum qildi. Reyna o‘zining faoliyati davomida juda kuchli hamkorlarga ega bo‘lganini aytdi.
U ayniqsa Valdes va Kasilyasni ajratib ko‘rsatdi, chunki ular boshqa darvozabonlar orasida ajralib turgan va o‘z klublari hamda Ispaniya terma jamoasida muhim iz qoldirgan. Shuningdek, Reyna faqat Ispaniya bilan cheklanib qolmasdan, boshqa davlatlarda ham juda yaxshi darvozabonlar borligini ta’kidladi. Masalan, Buffon, Chex va Van der Sar kabi futbolchilarni misol keltirdi.
U o‘z faoliyati davomida ko‘plab yaxshi darvozabonlarni ko‘rganini bildirdi. Reynaning so‘nggi klubi Italiyadagi Komo jamoasi bo‘lgan.
Ispaniya terma jamoasi safida u jami 38 o‘yin o‘tkazib, 20 ta gol o‘tkazib yuborgan. Uning fikricha, darvozabonlik san’ati doimo rivojlanib bormoqda va turli avlod vakillari orasidan eng zo‘rlarini tanlash har doim qiyin bo‘ladi.
