Madridning "Real" jamoasi qanot himoyachisi Rodrigoning transferi Londonning "Arsenal" klubi uchun ustuvor vazifa bo‘lib qolmoqda. Bu haqida Euro-football.ru xabar berdi.
Bahor oylaridan beri "kanonirlar" 24 yoshli futbolchiga qiziqish bildirayotgani ma’lum. Rodrigoning asosiy tarkibda doimiy o‘rni yo‘q, bu esa uning kelajakdagi ahvolini noaniq qiladi.
Dushanba kuni Javi Alonso yana braziliyalik o‘yinchini Jahon klub chempionati chorak finalida "Yuventus"ga qarshi o‘yinda zahiradan boshlashga majbur bo‘ldi. "Arsenal" klubi muxbiri Ben Jeykobning ma’lumotiga ko‘ra, jamoa hujum qanotini kuchaytirishda Rodrigoni mukammal variant deb hisoblaydi. Hozircha futbolchi yozda "Real"ni tark etishga tayyorligi noma’lum, biroq chempionat yakunlangach, u Javi Alonso bilan kelajagi haqida suhbatlashadi.
Madrid klubi uning qiymatini 90 million yevro deb baholamoqda. Ushbu transfer amalga oshsa, "Arsenal" hujum chizig‘ini sezilarli darajada mustahkamlash imkoniga ega bo‘ladi.
