Vadim Abramov - so'nggi yangiliklar

Superliganing 12-turidan o‘rin olgan va muxlislar katta qiziqish bilan kuzatgan "Xorazm" – "Dinamo" uchrashuvidan so‘ng mehmonlar bosh murabbiyi Vadim Abramov matbuot anjumanida o‘z fikrlari va baholarini o‘rtoqlashdi. Bu bellashuv haqiqiy dramatizmga boy bo‘lib, muxlislar uchun "validolli" kecha sifatida yodda qoldi. Abramov avvalo raqibni e’tirof etdi: "Kutilganidek, bahs juda qiyin o‘tdi. "Xorazm" jamoasi tajribali murabbiyga va yaxshi shakllangan tarkibga ega. Bu jamoa avvalgi o‘yinlarda g‘alabani oxirgi daqiqalarda boy bergan edi. Shu bilan birga, "Xorazm" safidagi ayrim yosh futbolchilar o‘tgan mavsumlarda aynan bizda o‘ynashgan. Bugungi to‘qnashuv har ikki tomon uchun ham katta ahamiyatga ega bo‘ldi", — deya ta’kidladi tajribali mutaxassis. Murabbiy muxlislarga ham alohida minnatdorlik izhor etdi: "Biz o‘zimizni xuddi Samarqanddagi kabi his qildik — muxlislarimizning qo‘llab-quvvatlovi bizga katta kuch baxsh etdi. Bu g‘alabada ularning o‘rni beqiyos", — dedi Abramov. Matbuot anjumanida o‘yindagi strategiya va taktik o‘zgarishlar haqida ham savollar bo‘ldi. Ikkinchi goldan so‘ng Stanoyevich va Maykonni maydonga tushirishdan maqsad hisobni ushlab qolish ekani, bu esa odatdagi Abramov uslubidan farqliroq ekanligi ta’kidlandi. Abramov bu borada quyidagilarni bildirdi: "2:1 hisobida raqib juda qulay standart vaziyatlarga ega bo‘ldi. Shu sabab tajribali futbolchilarni maydonga tushirishga majbur bo‘ldim. Agar gol o‘tkazib yuborganimizda, g‘alaba uchun imkoniyat yo‘qolishi mumkin edi. Futbol shunday o‘yin — ba’zida natija uchun uslubdan voz kechishga to‘g‘ri keladi." Yaqin ikki haftada "Dinamo"ni zich va murakkab taqvim kutmoqda. Abramov bu vaziyatga ijobiy qaraydi: "Biz yaxshi zaxiraga egamiz. Bugun zaxiradan tushgan futbolchilar ham o‘yinni buzib qo‘ymadi. Futbolda bunday muammolar bo‘ladi va barcha jamoalar bunga duch kelishadi", — deya ishonch bildirdi u. Qarshi kutilayotgan raqiblar haqida savolga Abramov shunday javob berdi: "Birinchi "Bunyodkor", keyin "Qo‘qon-1912", uchinchi "Neftchi" va so‘nggi "Nasaf" — barchasi taqvimga binoan. Har biriga tayyorgarlik ko‘ramiz." Shuningdek, PFLning taqvim bo‘yicha qarorlari haqidagi savolga Abramov diplomatik javob qaytardi: "Bunday vaziyatlarni sharhlash men uchun mushkul. Biz tashkilot ishlariga aralashmaymiz. Vazifamiz — futbol o‘ynash. Bu masalalarni sizlar muhokama qilishingiz mumkin." Qisqa qilib aytganda, Vadim Abramov boshchiligidagi "Dinamo" jamoasi taqvim qiyinchiliklariga va dramatik bahslarga qaramay, o‘z oldiga katta maqsadlar qo‘ygan va muxlislarini xursand qilish uchun bor kuchini ishga solmoqda.

Superliganing 9-turida "Surxon"ga qarshi o‘yindan keyin "Dinamo" bosh murabbiyi Vadim Abramov matbuot anjumanida qatnashdi. O‘yin haqida - Bahs qiyin o‘tishi kutilgandi. Chunki ushbu raqib bilan deyarli bir tur oldin kubokda o‘ynagandik. Qisqa vaqt ichida bir raqibni ikki marta mag‘lub qilish oson emas. Raqiblar bizning, biz esa raqiblarning qanday o‘ynashini yaxshi bilardik. Biroq ular ko‘p narsalarni o‘zgartirishdi, adashmasam tarkibdagi 8 futbolchini almashtirishdi. Birinchi bo‘limda gol urib oldik. Ikkinchi bo‘limda o‘yinni ertaroq yakunlab qo‘yishimiz mumkin edi. O‘zimiz vaziyatlarni ura olmaganimizdan keyin validolli o‘yin bo‘ldi. Himoyada ko‘p o‘ynadik. Futbolchilarga rahmat aytish kerak, bugungi bayram kunida ular muxlislarni xafa qilib qo‘yishmadi. - Bugun juma kunida Fraydey gol urdi. Bu uning debyut goli edi. - Uning ochilib ketishini kutayotgandik. Uning potensialini yaxshi bilamiz. U hali o‘yiniga qo‘sha oladi. Istalgan futbolchiga moslashib olish uchun vaqt kerak. Bu gol unga ishonch baxsh etib, o‘yiniga yaxshi jihatlarni qo‘shishiga umid qilyapman. - Stadion atmosferasi haqida nima deysiz? - Ajoyib atmosfera. Odamlar futbolga kelayotganidan xursandmiz. Muxlislar kelib, jamoalarni qo‘llab-quvvatlashidan barcha mamnun bo‘ladi. Samarqandlik muxlislarga rahmat aytib qolaman. Ularni xursand qilishda davom etamiz. - Bugun Mirjahon Mirahmadov qator golli vaziyatlardan foydalana olmadi. Qolaversa, Ravshanbek Yagudin ham golga sabab bo‘lishi mumkin edi. Ularning harakatiga baho bersangiz. - Futbol shunday narsaki, barchada ham ishlar doimo o‘xshayvermaydi. 9-raqamli futbolchimizning vaziyati ham shunday. U shu vaziyatdan gol ura olmaganidan keyin ruhan sinib qoldi, shu sababli uni almashtirdim. U o‘yin davomida katta hajmdagi ishlarni bajaradi, bosim amalga oshiradi, uning o‘yinlaridan mamnunmiz. 6-raqamli futbolchimizni esa to‘g‘ri payqabsiz, u sariq kartochka olgandi, shu sababli almashtirdik. Darvozabon pozitsiyasi shunday joyki, uning birgina xatosi ajralib qolishi mumkin. Boshqa futbolchilarning xatolari unutilib ketishi mumkin, darvozabonlarning ishi esa shunday. U ko‘p narsalarni bo‘yniga oladi. Shuningdek, u o‘tgan turda maydonga tushmadi. Bugun ham u jarohati bilan o‘ynadi. - Mirjahon Mirahmadovning o‘rniga himoyaga moslashgan O‘rmonjonovni maydonga tushirdingiz. "Dinamo" ikkinchi bo‘limda natijani saqlab qolishga o‘ynadimi yoki bizga shunday tuyuldimi? - Yo‘q, barchasi o‘yindan kelib chiqildi. Ikki futbolchini tushirish orqali o‘yinni kuchaytirmoqchi edik. Biz yoshlarni tushirish orqali hujumga tezlik berishni istagandik. Yoshlar doimo tezkor bo‘lishadi, yodingizda bo‘lsa o‘tgan o‘yinda yosh futbolchi gol urgandi. Ular maydonga tushgan paytda markazda parokandalik boshlanayotgandi. Ko‘p narsa shunga bog‘liq. Futbol shunday, 1:0 hisobida yutar ekansan, hisobni ushlash uchun o‘ynashga to‘g‘ri keladi. Qarshi hujumga o‘tib ketib, ishni ertaroq yakunlashimiz ham mumkin bo‘lgandi. Salbiy o‘yin ko‘rsatgan bo‘lsak-da, natija ijobiy bo‘ldi. Menga shunisi yaxshiroq. Bosim doimo bor, lekin asosiysi natija. - Uchrashuvning 20-daqiqasigacha "Surxon" yaxshiroq harakat qildi. Goldan keyingi vaqtda esa "Dinamo" raqibiga imkon bermaslikni boshladi. Sershovqin muxlislarga to‘la tribuna ostida ko‘rsatmalaringizni futbolchilar eshitishdimi yoki futbolchilarning o‘zi barchasini bilgan holda o‘yinni o‘zgartirishdimi? - Bunisiga ahamiyat bermabman. Barchasini biz o‘yindan oldin hal qilib qo‘ygandik. "Surxon"ning qanday o‘ynashini bilardik, taxmin qildik. Ular yerlatib uzatmalarda yaxshi, markaziy hujumchi raqib himoyachisi oldida to‘pni qabul qilganida qanot futbolchisi tezlikni oshiradi. Barchasini bilgan holda biz ilk daqiqalardanoq ularga o‘yinni his qilmasligini istagandik. Bunday holatda yoki pressing amalga oshirish kerak yoki bu o‘xshamasa himoyada bo‘lib, ular tashkil qilmoqchi bo‘lgan o‘yinini buzib, raqibga muammolar yaratish va keyin qarshi hujumga qochish. 20-daqiqadan keyin tashabbus bizning tomonga o‘tdi va biz gol urdik. Futbolda futbolchi qulay vaziyatdan gol ura olmasa, o‘sha vaziyat o‘z so‘zini aytadi. Jamoaviy ishda shunday, bitta vaziyatni ura olmadik, ikkinchisini ura olmadik, keyin tashabbus "Surxon" tomoniga o‘tib ketdi. Istalgan jamoada o‘yinning istalgan davrida pasayish davri bo‘ladi. "Surxon"da aynan shu pasayish davrida biz gol urib oldik. Keyin esa o‘yinni biz nazorat qildik va qarshi hujumlarda o‘ynadik. Bunday holatlar osonroq, chunki ochiq hududlar paydo bo‘ladi, undan bizning tezkor futbolchilar foydalanishi mumkin edi. Biroq bugun unday bo‘lmadi. - "Dinamo"ning navbatdagi o‘yini kubokda "Andijon"ga qarshi. Tarkibda tajribalar o‘tkazib ko‘rish niyatingiz bormi? - Biz hali kubok masalasini hal qilmadik. 13 may kuni biz "Andijon" maydonida o‘ynaymiz va u yerdan qaytib kelib, 17 mayda "Buxoro"da maydonga tushamiz. Bu yerda tarkibda o‘zgarishlar bo‘ladi. Kim kam o‘ynayotgan bo‘lsa, o‘sha maydonga tushishi ham mumkin. - Yoshlar tarkibidagi futbolchilar o‘ynashi mumkinmi? - Zaxirada o‘tirib qolayotgan boshqa futbolchilar ham bor. Ular chempionatda ko‘p ham yuklama olishmayapti. Ularni sinab ko‘rish va nimalarga qodirligini bilish kerak. Afsuski bizda Superliganing o‘yinidan keyingi kuni yoshlar jamoalari o‘ynashadi. Biz yoshlarni ko‘ra olmaymiz. Masalan Siz biror spektaklning avval premerasini qo‘yib, keyin repititsiya qilmaysiz-ku, to‘g‘rimi? Shu sababli men yoshlar tarkibi futbolchilari bilan o‘yinga bora olmayman. Oldinlari yoshlarning o‘yinlariga borib, tomosha qilardim. Mana ikkinchi yildir-ki, buning iloji bo‘lmayapti. - YECHL haqida savol bermoqchiman. Siz adashmasam "Barselona" muxlisi edingiz. Finalda "Inter" va PSJning o‘ynashi adolatlimi? - Futbolda doim ham kuchlilar yutavermaydi. Lekin "Barselona" kabi jamoa uchun 7ta gol o‘tkazib yuborish juda ko‘p. "Barselona" avantyur futbol namoyish qiladi, shu sababli raqiblarning ham omadi kelib qoladi. Shuningdek, bu yerda VAR ham bor. Oldinlari VAR bo‘lmagan paytda "Barselona" shunday taktikada o‘ynaganda bu o‘zini oqlagan bo‘lardi. Agarda VAR bo‘lmaganida hakam o‘z qarorlarini o‘zgartirmagan bo‘lardi. VAR bo‘lgani uchun istalgan futbolchi oxirigacha o‘ynamoqda. Hatto 4 himoyachi 1 hujumchiga qarshi bo‘lgan taqdirda ham 60 metrga yugurish kerak bo‘lsa, yugurish kerak. Keyin esa ofsayd borligi aniq bo‘ladi. Yugurish uchun esa qancha vaqt sarflandi. "Barselona"da hozir yosh futbolchilar ko‘p, ular juda katta yuklamali ishlar qilishmoqda. Bu juda qiyin, "Inter" esa bundan foydalanib ketdi. - Ayni damda "Dinamo" 3-o‘rinda bormoqda. Jamoaning endigi maqsadi qanday bo‘ladi? - Menimcha mavsum startidan oldin barcha jamoalar o‘z oldiga bitta maqsad qo‘yadi: chempionatni yutish. Qolgani esa ishlarning rivojiga qarab o‘zgarib boradi. Bizda vazifalar o‘zgarmagan. Kimdir yo‘l-yo‘lakay omadsizlikka uchrasa vazifasini o‘zgartiradi. Bizda esa o‘zgarish yo‘q - maydonga chiqish va bor imkoniyatni ishga solib, g‘alaba qozonish.

Mart oyida O‘zbekiston Superligasida 3 ta tur uchrashuvlari o‘tkazildi. Ushbu bahslardan keyin O‘zPFL oyning eng yaxshi murabbiysi va futbolchisi bo‘lishga nomzodlar ro‘yxatini e’lon qildi. Unga ko‘ra, mart oyining eng yaxshi murabbiyi nomzodlari qatoriga Mirjalol Qosimov (“OKMK”), Ilyos Zeytullayev (“Bunyodkor”), Vadim Abramov (“Dinamo”), Ulug‘bek Baqoyev (“Buxoro”) va Hakim Fuzaylov (“Xorazm”) kiritildi. Mart oyining eng yaxshi murabbiyi bo‘lishga nomzodlar - Mirjalol Qosimov — 3 o‘yin, 3 g‘alaba, to‘plar farqi 7:2; - Ilyos Zeytullayev — 3 o‘yin, 2 g‘alaba, 1 durang, to‘plar farqi 7:3; - Vadim Abramov — 3 o‘yin, 2 g‘alaba, 1 durang, to‘plar farqi 2:0; - Ulug‘bek Baqoyev — 3 o‘yin, 2 g‘alaba, 1 mag‘lubiyat, to‘plar farqi 7:3; - Hakim Fuzaylov — 3 o‘yin, 2 g‘alaba, 1 mag‘lubiyat, to‘plar farqi 5:4. Foto: O‘zPFL Mart oyining eng yaxshi futbolchisi bo‘lish uchun nomzodlar qatoridan Nodirbek Abdurazzoqov (“OKMK”), Luis Kachorri (“Bunyodkor”), Ravshanbek Yagudin (“Dinamo”), Shahboz Jo‘rabekov (“Buxoro”) va Rustamjon Abduhamidov joy oldi. Mart oyining eng yaxshi futbolchisi bo‘lishga nomzodlar - Nodirbek Abdurazzoqov — 3 o‘yin, 2 gol, 1 assist; - Luis Kachorri — 3 o‘yin, 4 gol; - Ravshanbek Yagudin — 3 o‘yin, 3 quruq o‘yin, 6 seyv; - Shahboz Jo‘rabekov — 3 o‘yin, Raqibning 33 hujumini to‘xtatgan (Ligada 1-o‘rin); - Rustamjon Abduhamidov — 3 o‘yin, 2 gol, 1 assist. Foto: O‘zPFL G‘oliblar ovoz berish natijalari yakuniga yetgach e’lon qilinadi.

Superliga 3-turidan o‘rin olgan "Paxtakor" - "Dinamo" (0:1) uchrashuvidan so‘ng mehmonlar bosh murabbiyi Vadim Abramov o‘yindan keyingi matbuot anjumanida ishtirok etdi. "O‘yinni hamma ko‘rdi, shuning uchun maydonda nima ro‘y berganini takroran aytib berish ma’nosiz. O‘yin oldidan tarkib bilan bog‘liq muammolarimiz bor edi, chunki kichik tanaffus bizga ta’sir qildi. To‘rt nafar markaziy himoyachimiz jamoaga yordam bera olmadi, shu sababli Stanoyevichni markaziy himoyachi pozitsiyasiga ko‘chirishga majbur bo‘ldik. Undan minnatdorman, chunki u birinchi marta bu pozitsiyada o‘ynadi va o‘z vazifasini yaxshi uddaladi. Shu sababli, biz o‘yinga taktika tanlashda muammolarga duch keldik. O‘yinga kelsak, "Paxtakor" o‘yindan tashqari holatidan gol urdi, ammo undan tashqari boshqa vaziyatlarga ega bo‘lgani yo‘q. Biz qarshi hujumda yana bir nechta gol urish imkoniyatiga ega edik. Chempionat endigina boshlandi, "Paxtakor" hali o‘z ochkolarini to‘plab oladi deb o‘ylayman" - deya fikr bildirdi Vadim Abramov o‘yin yakunlangach. - Paxtakorning o‘yini haqida umumiy fikringiz qanday? "Paxtakor"ga qarshi himoyalanish qanchalik qiyin bo‘ldi? - Biz markaziy himoyachilar bilan bog‘liq muammolar tufayli taktikamizni biroz o‘zgartirdik, to‘pni raqibga topshirib, ular nima qila olishini kuzatdik, lekin ular bugun deyarli hech narsa taklif qila olmadi. To‘pga egalik qilish bo‘yicha ustunlik bor edi, lekin ularning hujumlari xavfli bo‘lmadi. "Paxtakor"ning asosiy hujumchisi bugungi bahsda ishtirok etmagani o‘z so‘zini aytgan bo‘lishi mumkin. - Motivatsiya haqida nima deysiz? "Paxtakor"dek raqibga qarshi o‘ynash jamoangizga biroz bo‘lsa ham qo‘shimcha motivatsiya berdimi? - Har bir jamoa yetakchilarga qarshi o‘ynaganda o‘zini ko‘rsatishni xohlaydi, lekin biz bu o‘yinni alohida bir reja qabul qilganimiz yo‘q. Har bir turda g‘alaba uchun maydonga tushamiz, bu oddiy holat. Keyingi turda ham grand jamoa bilan to‘qnash kelamiz. - Bugungi g‘alabadan so‘ng jamoa qo‘shimcha rag‘batlantiriladimi? - Yo‘q, albatta. Bu bahs kuzda bo‘lganida, yoki musobaqa jadvaliga jiddiy ta’sir o‘tkazganida qo‘shimcha moliyaviy rag‘batlantirish haqida o‘ylab ko‘rishimiz mumkin bo‘lar edi. Superliga endi boshlandi-ku. - Menga "Dinamo" asosan qarshi hujumlarda yaxshi o‘ynaydigan jamoadek tuyulmoqda. Ushbu fikrga qanchalik qo‘shilasiz? - Men jurnalistlar bilan muloqot qilishda qiynalaman. Bunga qadar bizni hujumkor jamoa deya tasvirlashardi, endi esa qarshi hujumda o‘ynaydigan jamoa bo‘lib qolibmiz. Biz raqibga qarab taktika tanlaymiz. Bugungi o‘yinda raqibga to‘pni berib, qarshi hujumga chiqishni maqsad qildik. Biz doimo hujumkor o‘ynashga intilamiz. Markaziy himoyachilarning yo‘qligi sababli shunday qaror qabul qildik. Ochiq zonalar bo‘lganda tezroq hujum qilishga intildik. - Marko Stanoyevichning o‘yini haqida fikr bildirib o‘tsangiz. Amaldagi chempion "Nasaf" Markoning yoshi katta ekanligi sababli u bilan shartnomani uzaytirmadi... - Biz kimni xarid qilayotganimizni bilardik. Stanoyevich jamoa lideri va tajribali futbolchi. - Stanoyevichning yoshi sizni xavotirga solmadimi? - Men futbolchining yoshiga e’tibor bermayman. Agar, 16 yoshli yigitcha maydonda foyda keltirsa, u mening jamoamda asosiy tarkibdan o‘rin oladi. Men pasportga qaramayman. Yoshi katta futbolchi, yoshroq o‘yinchilardan yaxshiroq o‘ynasa u maydonda bo‘ladi. Futbolchining yoshi uning ayoli uchun ahamiyatli bo‘lishi mumkin, ammo menga emas. - Bugun jamoa safida debyut qilgan futbolchilar haqida ham gapirib o‘tsangiz? A’loho‘jayev, Ibrohimov va Safarov bugungi uchrashuvda debyut qilishdi. - Ular haqida bir narsa deyish qiyin, sababi ular o‘yin so‘ngida maydonga tushishdi. Hali fikr bildirishga erta, endigina uchinchi turdamiz. Katta va’dalar berib qo‘ysak, bizdan katta narsalar kutiladi. Samarqanddan kelib bizni qo‘llab-quvvatlagan muxlislarimizga rahmat. Bugun ularni xursand qila oldik. - Jamoangizning hujumdagi realizatsiyasi haqida fikr bildiribo‘tsangizi. Sababi "Dinamo" bugun qarshi hujumlarda bir nechta yaxshi imkoniyatlarga ega bo‘ldi. Mirjahon Mirahmadov esa ikkinchi bo‘limning 70-daqiqalaridan so‘ng charchab qolgandek ko‘rindi... - Mirahmadov ko‘p vaziyatlar "qora ish"ni bajardi. Himoyachilarga yordam berdi va yakkakurashlarda ishtirok etdi. Umuman olganda, o‘yinimizdan qoniqdim. Hozir g‘alaba hissiyotidan barcha xursand. Biroz vaqt o‘tganidan so‘ng o‘yinni tahlil qilib, qayerda qanday xato qilganimizni ko‘rib chiqamiz. - Oybek O‘rmonjonovning o‘yiniga baho berib o‘tsangiz. Nazarimda, u juda yaxshi o‘yin o‘tkazdi. - O‘yinga yaxshi qo‘shilib ketdi va juda aktiv bo‘ldi. "Paxtakor"da Alijonov maydonga tushganda, biz Anvarni narigi qanotga o‘tkazdik va O‘rmonjonovga Alijonov zararsizlantirish vazifasini yukladik. U o‘z ishini yaxshi uddaladi.

2025 yil 15 dan 19 sentyabrga qadar Toshkent shahrining sakkiz tumani ayrim hududlarida issiq suv ta’minoti vaqtincha to‘xtatiladi. Bu haqda Zamin.uz xabar berdi. Bu haqda Kursiv.media xabar berdi. Issiq suv uzilishi Veolia Energy Tashkent kompaniyasi tomonidan qish mavsumiga tayyorgarlik doirasida amalga oshirilayotgan profilaktika ishlari bilan bog‘liqdir. Issiq suv ta’minoti uziladigan hududlar quyidagilardan iborat: Yashnobod tumani, jumladan Qorasuv, Beshariq, Birlashgan, Elbek, Asalobod, Quruvchilar, Uysizlar, Parkent, Chulpon, Alimkent ko‘chalari, shuningdek Tuzel-1 dan 4 gacha bo‘lgan massivlar, Uysizlar-1, Asalobod-1 va 2 massivlari hamda Aviasozlar shaharchasi. Mirobod, Yunusobod, Shayxontohur va Yakkasaroy tumanlarida Amir Temur va Mustaqillik prospektlari, Sharof Rashidov, Navoiy, Bobur, Glinka, Shota Rustaveli, Bogiboston va Arnasoy ko‘chalari hamda boshqa ayrim hududlarda issiq suv berilishi to‘xtaydi. Chilonzor tumanida Katta Chilonzor, Muqimi, Seul va Choponota ko‘chalari hamda Ts-1, 2, 4, 5, 7, Oqtepa, Chilonzor (1-5, 7, E, I), Qushbegi, Boshliq va Uchuvchilar shaharchalari issiq suv ta’minotidan uziladi. Shuningdek, Sergeli va Mirzo Ulug‘bek tumanlarining ayrim hududlarida ham issiq suv uzilishi kuzatiladi. Fuqarolardan ushbu vaqt davomida suvdan oqilona foydalanishlari va zarur ehtiyot choralarini ko‘rishlari so‘raladi. Profilaktika ishlari tugagach, issiq suv ta’minoti tiklanadi. Manba: Kursiv.media

Apple kompaniyasi yaqinda yangi iPhone 17 smartfonini taqdim etdi. Bu haqida Zamin.uz xabar berdi. Toshkentdagi "Malika" bozorida sotuvchilar bilan suhbat natijasida ushbu yangi modellar uchun taxminiy narxlar aniqlangan. Ma’lum bo‘lishicha, iPhone 17 smartfonlari O‘zbekistonda 23 sentyabrdan boshlab sotuvga chiqariladi. Narxlar xotira hajmi va qurilmaning funksiyalariga qarab farqlanadi. Masalan, iPhone 17 ning 256 gigabaytli modeli taxminan 16 million 250 ming so‘m atrofida baholanmoqda. Kattaroq xotira hajmiga ega modellarning narxi esa yuqoriroq bo‘ladi. iPhone 17 Pro va Pro Max versiyalari esa yanada ko‘p funksiyalar va imkoniyatlarga ega bo‘lib, ularning narxlari 23 million so‘mdan boshlanib, 50 million so‘mga yaqinlashadi. Ushbu yangi smartfonlar O‘zbekiston bozorida katta qiziqish uyg‘otishi kutilmoqda. Xaridorlar uchun eng maqbul variantni tanlashda xotira hajmi va byudjet muhim omillar hisoblanadi. Shuningdek, rasmiy savdo nuqtalarida to‘liq kafolat va xizmat ko‘rsatish imkoniyatlari taqdim etilishi kutilyapti. Yangi iPhone 17 modellarining O‘zbekistonda sotuvga chiqishi smartfon bozorida yangiliklar va raqobatni kuchaytiradi.

Toshkent shahrida va viloyatida transport xizmatlarini yaxshilash maqsadida yangi 177-sonli avtobus yo‘nalishi ishga tushirildi. Bu haqda Zamin.uz xabar berdi. Ushbu yo‘nalish yo‘l harakati xavfsizligini ta’minlash va infratuzilmani rivojlantirish doirasida tashkil etilgan. 2025 yil 16 sentyabrdan boshlab yo‘lovchilar uchun xizmat ko‘rsatadigan ushbu marshrut Toshkent viloyatining Iftixor mahallasidan boshlanib, poytaxt markazidagi Chorsu metro bekatigacha qatnaydi. Bu yangi yo‘nalish viloyat aholisi uchun shahar markaziga qulay va tez yetib borish imkonini yaratadi. Yo‘nalishda jami sakkizta zamonaviy avtobus harakat qiladi. Ular King Long XMQ 6900EGW rusumidagi o‘rta sig‘imli, uzunligi 9,5 metr bo‘lgan transport vositalari bo‘lib, yuqori sifat va xavfsizlik talablariga javob beradi. Avtobuslar har kuni soat 05:30 dan 23:17 gacha qatnovni amalga oshiradi. Bu esa yo‘lovchilarga ertalabdan kechgacha muntazam va ishonchli transport xizmatidan foydalanish imkonini beradi. Yangi yo‘nalish ishga tushirilishi bilan viloyatdan poytaxtga keladiganlar uchun transportda katta qulaylik va vaqt tejash ta’minlanadi. Shu bilan birga, yo‘l harakati xavfsizligi oshiriladi va shahardagi transport tizimi samaradorligi yaxshilanadi. Ushbu ma’lumotlar zamin.uz sayti orqali tasdiqlangan.

Mashhur turk aktrisasi Hande Erchel va tadbirkor Hakan Sabanji o‘rtasidagi munosabatlarga doir so‘nggi paytlarda ko‘plab mish-mishlar tarqalmoqda. Bu haqida Zamin.uz xabar berdi. Ayniqsa, juftlikning ajrashgani haqidagi xabarlar muxlislar orasida katta qiziqish uyg‘otdi. Gel Konuşalım dasturida ilk bor gapirgan Hakan Sabanji esa ularning munosabatlariga oid da’volarga o‘z munosabatini bildirdi. U shaxsiy hayoti haqida keng gapirishni istamagan bo‘lsa-da, ayrim gap-so‘zlarga aniqlik kiritdi. Hakan Sabanji ajralish masalasini muhokama qilishni istamasligini, chunki bu ularning shaxsiy hayotiga taalluqli ekanligini ta’kidladi. Shuningdek, u xiyonat haqidagi mish-mishlar mutlaqo asossizligini bildirdi. Oldinroq Hande Erchel ijtimoiy tarmoqlardagi sahifasidan Sabanji bilan tushgan barcha suratlarini o‘chirib tashlagan edi. Bu esa turk matbuotida ularning ajralgani haqidagi xabarlarga asos bo‘ldi. Mashhur jurnalist Birsen Altuntash juftlik orasida jiddiy kelishmovchilik borligini ta’kidlagan, ammo rasmiy ajrim hali sodir bo‘lmaganini ma’lum qilgan. Shunga qaramay, Hande va Hakan hanuz bir-birlariga ijtimoiy tarmoqlarda obuna bo‘lib qolishgan. Muxlislarning bir qismi ularning munosabatlari qayta tiklanishiga umid bildirsa, boshqalar esa bu jarayon shunchaki ommaviy axborot vositalari uchun reklama bo‘lishi mumkinligini taxmin qilmoqda.

Vengriyaning Seksard shahrida noodatiy va qiziqarli voqea – qabr qazish bo‘yicha 18-xalqaro chempionat bo‘lib o‘tdi. Bu haqida Zamin.uz xabar berdi. Ushbu musobaqa mamlakatning Qabr qazuvchilar uyushmasi tomonidan aniq reja va tartib asosida tashkil etildi. Tadbir kasb sohasi nufuzini oshirishga xizmat qildi. Musobaqada ishtirokchilar ikki kishilik jamoalar shaklida qatnashdi. Ularga ikki soat vaqt berildi. Shu vaqt ichida har bir jamoa 200x80 santimetr o‘lchamda va 160 santimetr chuqurlikda qabr qazishi kerak edi. Ushbu qoidalar ishtirokchilardan nafaqat mahorat, balki diqqat va tezkorlikni ham talab qildi. Chempionat yakunida Parakletosz Nonprofit jamoasi g‘olib deb topildi. Bu jamoa ketma-ket ikkinchi yil chempionlikni qo‘lga kiritdi, bu ularning puxta tayyorgarligi va kasbiy darajasining yuqori ekanligini ko‘rsatdi. Tashkilotchilarning ta’kidlashicha, bunday musobaqalar kasb nufuzini oshirish bilan birga, yosh avlodni professional mutaxassislar bilan yaqindan tanishtiradi. Shuningdek, ishtirokchilarga jamoaviy hamkorlik va sog‘lom raqobat muhitida ishlash ko‘nikmalarini rivojlantirishga yordam beradi. Bu tadbirlar kasbiy malakani oshirish va sohani yanada rivojlantirish uchun muhim ahamiyatga ega.

O‘tgan yillarda "Yuventus" jamoasida o‘ynagan taniqli futbolchi Edgar Davids tanishi Nabila Habibining o‘g‘irlik qilgani haqida xabar oldi. Bu haqida Euro-football.ru xabar berdi. Bu haqda ad.nl portali ma’lumot berdi. Nashr ma’lumotlariga ko‘ra, Davids o‘zining rasm kolleksiyasining o‘g‘irlanganini bir necha yil o‘tib bilib qolgan. U kolleksiyani ishonch bildirgan odamga topshirgan edi. Bir muddat Habibi ham uning uyida yashagan. Davids kolleksiyasi xavfsiz joyda saqlanayotganiga ishonar ekan, Habibi 37 ta rasmni o‘g‘irlab, ularni turli lombardlarga garovga qo‘ygan va taxminan 30 ming yevro olgan. 2017 yilda Habibi qarzlarini to‘lay olmagach, lombardlar rasmlarni sotish huquqiga ega bo‘lgan. Sotib olganlardan biri rasmning orqa tomonida Davidsning ismini ko‘rib, ijtimoiy tarmoqlar orqali unga murojaat qilgan. Shundan so‘ng Davids sudga murojaat qilgan. Habibi o‘g‘irlikni tan olgan. Avvalroq u jinoyat ishlari bilan bog‘liq muammolarga duch kelgan va tanishidan 3500 yevro olgan holda qoldirgan edi.

London shahrida tarixdagi eng yirik namoyishlardan biri bo‘lib o‘tdi. Bu haqida Zamin.uz xabar berdi. Ma’lumotlarga ko‘ra, taxminan 1,5 million kishi «Qirollikni birlashtir» shiori ostida ko‘chalarga chiqdi. Ushbu katta aksiya Temza daryosining janubiy sohilida joylashgan Sazerk tumanida boshlandi. Namoyishchilar poytaxt markaziga yo‘nalib, Uaytholl hukumat binosi tomon harakat qilishdi. Ular Vestminster ko‘prigidan o‘tib, asosiy yig‘ilish joyi bo‘lgan bosh vazir Kir Starmerning qarorgohi oldidagi ko‘chada to‘plandi. Tashkilotchilarning ma’lumotlariga ko‘ra, ushbu yirik harakatni English Defence League harakati asoschisi Tommi Robinson uyushtirgan. London ko‘chalarida yig‘ilgan odamlar turli plakatlar, shiorlar va da’vatlar bilan chiqish qildi. Kuzatuvchilar ta’kidlashicha, bu namoyish Buyuk Britaniyaning siyosiy jarayonlariga jiddiy ta’sir ko‘rsatishi mumkin. Shuningdek, namoyish nafaqat ishtirokchilar soni bilan, balki uyushganligi va siyosiy rang-barangligi bilan ham tarixiy voqea sifatida e’tirof etildi. Bu harakat mamlakatdagi siyosiy muhitda yangi davr boshlanishiga sabab bo‘lishi kutilmoqda. London aholisi tomonidan keng qo‘llab-quvvatlangan ushbu namoyish siyosiy faollik va birlashishning yorqin namunasi bo‘ldi.

Prezidentning qaroriga muvofiq, Toshkent shahrida ToshTech texnika universiteti tashkil etiladi. Bu haqida Zamin.uz xabar berdi. Ushbu yangi oliygoh mamlakatimizda zamonaviy muhandislik bilimlarini rivojlantirish va raqobatbardosh mutaxassislar tayyorlashda muhim ahamiyatga ega bo‘ladi. Qarorga ko‘ra, universitet akademik, moliyaviy hamda tashkiliy boshqaruv masalalarida to‘liq mustaqillikka ega bo‘ladi. Bu ta’lim jarayonini xalqaro standartlarga muvofiq tashkil etishga imkon beradi. 2025-2026 o‘quv yilidan boshlab davlat byudjeti hisobidan bir yillik tayyorlov kursi ochiladi. Ushbu kurs abituriyentlarga murakkab fanlarga tayyorlanishda yordam beradi. Keyingi yildan, ya’ni 2026-2027 o‘quv yilidan universitetda bakalavriat yo‘nalishlari faoliyat boshlaydi. Talabalar zamonaviy fanlar bo‘yicha ta’lim olish imkoniga ega bo‘ladilar. Shuningdek, 2027-2028 o‘quv yilidan magistratura va oliy ta’limdan keyingi bosqichlar ham bosqichma-bosqich joriy etiladi. Universitetda o‘qish davlat granti va to‘lov-kontrakt asosida tashkil etiladi. Darslar nafaqat o‘zbek tilida, balki xorijiy tillarda ham olib boriladi. Bu orqali talabalar xalqaro tajribaga ega bo‘lib, bilimlarini yanada kengaytirish imkoniyatiga ega bo‘ladilar. Eng muhim jihati shundaki, 2029-2030 o‘quv yiliga qadar qabul qilinadigan barcha talabalar davlat granti asosida to‘liq bepul ta’lim oladilar. Mazkur tashabbus orqali ToshTech texnika universiteti mamlakatimizdagi muhandislik va ilmiy-tadqiqot salohiyatini oshirishda, shuningdek, yoshlar uchun yangi imkoniyatlar yaratishda muhim rol o‘ynaydi (manba: zamin.uz).