Bugun
Ponomaryov: CSKA Zenit ustidan 1:0 hisobida g‘alaba qiladi
+28°
ясно ветер 3.1 м/с, СЗ

Vadim Abramov: "To‘pni raqibga topshirib, ular nima qila olishini kuzatdik"

Sport
115

Vadim Abramov: "To‘pni raqibga topshirib, ular nima qila olishini kuzatdik"
Superliga 3-turidan o‘rin olgan "Paxtakor" - "Dinamo" (0:1) uchrashuvidan so‘ng mehmonlar bosh murabbiyi Vadim Abramov o‘yindan keyingi matbuot anjumanida ishtirok etdi.

"O‘yinni hamma ko‘rdi, shuning uchun maydonda nima ro‘y berganini takroran aytib berish ma’nosiz. O‘yin oldidan tarkib bilan bog‘liq muammolarimiz bor edi, chunki kichik tanaffus bizga ta’sir qildi. To‘rt nafar markaziy himoyachimiz jamoaga yordam bera olmadi, shu sababli Stanoyevichni markaziy himoyachi pozitsiyasiga ko‘chirishga majbur bo‘ldik. Undan minnatdorman, chunki u birinchi marta bu pozitsiyada o‘ynadi va o‘z vazifasini yaxshi uddaladi. Shu sababli, biz o‘yinga taktika tanlashda muammolarga duch keldik. O‘yinga kelsak, "Paxtakor" o‘yindan tashqari holatidan gol urdi, ammo undan tashqari boshqa vaziyatlarga ega bo‘lgani yo‘q. Biz qarshi hujumda yana bir nechta gol urish imkoniyatiga ega edik. Chempionat endigina boshlandi, "Paxtakor" hali o‘z ochkolarini to‘plab oladi deb o‘ylayman" - deya fikr bildirdi Vadim Abramov o‘yin yakunlangach.

- Paxtakorning o‘yini haqida umumiy fikringiz qanday? "Paxtakor"ga qarshi himoyalanish qanchalik qiyin bo‘ldi?
- Biz markaziy himoyachilar bilan bog‘liq muammolar tufayli taktikamizni biroz o‘zgartirdik, to‘pni raqibga topshirib, ular nima qila olishini kuzatdik, lekin ular bugun deyarli hech narsa taklif qila olmadi. To‘pga egalik qilish bo‘yicha ustunlik bor edi, lekin ularning hujumlari xavfli bo‘lmadi. "Paxtakor"ning asosiy hujumchisi bugungi bahsda ishtirok etmagani o‘z so‘zini aytgan bo‘lishi mumkin.

- Motivatsiya haqida nima deysiz? "Paxtakor"dek raqibga qarshi o‘ynash jamoangizga biroz bo‘lsa ham qo‘shimcha motivatsiya berdimi?
- Har bir jamoa yetakchilarga qarshi o‘ynaganda o‘zini ko‘rsatishni xohlaydi, lekin biz bu o‘yinni alohida bir reja qabul qilganimiz yo‘q. Har bir turda g‘alaba uchun maydonga tushamiz, bu oddiy holat. Keyingi turda ham grand jamoa bilan to‘qnash kelamiz.

- Bugungi g‘alabadan so‘ng jamoa qo‘shimcha rag‘batlantiriladimi?
- Yo‘q, albatta. Bu bahs kuzda bo‘lganida, yoki musobaqa jadvaliga jiddiy ta’sir o‘tkazganida qo‘shimcha moliyaviy rag‘batlantirish haqida o‘ylab ko‘rishimiz mumkin bo‘lar edi. Superliga endi boshlandi-ku.

- Menga "Dinamo" asosan qarshi hujumlarda yaxshi o‘ynaydigan jamoadek tuyulmoqda. Ushbu fikrga qanchalik qo‘shilasiz?
- Men jurnalistlar bilan muloqot qilishda qiynalaman. Bunga qadar bizni hujumkor jamoa deya tasvirlashardi, endi esa qarshi hujumda o‘ynaydigan jamoa bo‘lib qolibmiz. Biz raqibga qarab taktika tanlaymiz. Bugungi o‘yinda raqibga to‘pni berib, qarshi hujumga chiqishni maqsad qildik. Biz doimo hujumkor o‘ynashga intilamiz. Markaziy himoyachilarning yo‘qligi sababli shunday qaror qabul qildik. Ochiq zonalar bo‘lganda tezroq hujum qilishga intildik.

- Marko Stanoyevichning o‘yini haqida fikr bildirib o‘tsangiz. Amaldagi chempion "Nasaf" Markoning yoshi katta ekanligi sababli u bilan shartnomani uzaytirmadi...
- Biz kimni xarid qilayotganimizni bilardik. Stanoyevich jamoa lideri va tajribali futbolchi.

- Stanoyevichning yoshi sizni xavotirga solmadimi?
- Men futbolchining yoshiga e’tibor bermayman. Agar, 16 yoshli yigitcha maydonda foyda keltirsa, u mening jamoamda asosiy tarkibdan o‘rin oladi. Men pasportga qaramayman. Yoshi katta futbolchi, yoshroq o‘yinchilardan yaxshiroq o‘ynasa u maydonda bo‘ladi. Futbolchining yoshi uning ayoli uchun ahamiyatli bo‘lishi mumkin, ammo menga emas.

- Bugun jamoa safida debyut qilgan futbolchilar haqida ham gapirib o‘tsangiz? A’loho‘jayev, Ibrohimov va Safarov bugungi uchrashuvda debyut qilishdi.
- Ular haqida bir narsa deyish qiyin, sababi ular o‘yin so‘ngida maydonga tushishdi. Hali fikr bildirishga erta, endigina uchinchi turdamiz. Katta va’dalar berib qo‘ysak, bizdan katta narsalar kutiladi. Samarqanddan kelib bizni qo‘llab-quvvatlagan muxlislarimizga rahmat. Bugun ularni xursand qila oldik.

- Jamoangizning hujumdagi realizatsiyasi haqida fikr bildiribo‘tsangizi. Sababi "Dinamo" bugun qarshi hujumlarda bir nechta yaxshi imkoniyatlarga ega bo‘ldi. Mirjahon Mirahmadov esa ikkinchi bo‘limning 70-daqiqalaridan so‘ng charchab qolgandek ko‘rindi...
- Mirahmadov ko‘p vaziyatlar "qora ish"ni bajardi. Himoyachilarga yordam berdi va yakkakurashlarda ishtirok etdi. Umuman olganda, o‘yinimizdan qoniqdim. Hozir g‘alaba hissiyotidan barcha xursand. Biroz vaqt o‘tganidan so‘ng o‘yinni tahlil qilib, qayerda qanday xato qilganimizni ko‘rib chiqamiz.

- Oybek O‘rmonjonovning o‘yiniga baho berib o‘tsangiz. Nazarimda, u juda yaxshi o‘yin o‘tkazdi.
- O‘yinga yaxshi qo‘shilib ketdi va juda aktiv bo‘ldi. "Paxtakor"da Alijonov maydonga tushganda, biz Anvarni narigi qanotga o‘tkazdik va O‘rmonjonovga Alijonov zararsizlantirish vazifasini yukladik. U o‘z ishini yaxshi uddaladi.

[lang=ru,en]

[/lang]

O‘xshash yangiliklar

Yangi Land Rover Defender taqdim etildi: dizayn va texnologiya inqilobi!
Yangi Land Rover Defender taqdim etildi: dizayn va texnologiya inqilobi!
Britaniyaning mashhur avtomobil ishlab chiqaruvchisi Land Rover o‘zining eng afsonaviy modellaridan biri — Defender'ning modernizatsiya qilingan versiyasini rasman namoyish qildi. Yangi
Avto 12:48, 30-05-2025
Toshkentda ko‘cha futboli bo‘yicha Red Bull Four 2 Score turniri yakunlandi: chempionlar Avstriyaga yo‘l oladi!
Toshkentda ko‘cha futboli bo‘yicha Red Bull Four 2 Score turniri yakunlandi: chempionlar Avstriyaga yo‘l oladi!
Joriy yilning 27 aprel sanasida Toshkent shahrida ko‘cha futboli bo‘yicha o‘ziga xos va qiziqarli formatda o‘tkazilgan Red Bull Four 2 Score xalqaro turnirining milliy bosqichi bo‘lib o‘tdi.
Sport 15:28, 28-04-2025
Vadim Abramov: "Validolli" o‘yin, taqvim qiyinchiliklariga qaramay olg‘a intilamiz
Vadim Abramov: "Validolli" o‘yin, taqvim qiyinchiliklariga qaramay olg‘a intilamiz
Superliganing 12-turidan o‘rin olgan va muxlislar katta qiziqish bilan kuzatgan "Xorazm" – "Dinamo" uchrashuvidan so‘ng mehmonlar bosh murabbiyi Vadim Abramov matbuot anjumanida
Sport 08:49, 16-06-2025
“Bayer” Xabi Alonsoga o‘rinbosar qidirmoqda: short-listdagi nomlar maʼlum bo‘ldi
“Bayer” Xabi Alonsoga o‘rinbosar qidirmoqda: short-listdagi nomlar maʼlum bo‘ldi
Madridning “Real” klubi Xabi Alonsoni yangi mavsumda jamoaga bosh murabbiy sifatida taklif qilishi mumkinligi haqida xabarlar tarqalishi ortidan “Bayer” rahbariyati ehtimoliy o‘zgarishlarga
Sport 19:48, 1-05-2025
“Like” uchun hayotni xavf ostiga qo‘yyapmizmi? Bolalarni internet tahdidlaridan qanday himoyalash kerak?
“Like” uchun hayotni xavf ostiga qo‘yyapmizmi? Bolalarni internet tahdidlaridan qanday himoyalash kerak?
Internet bolalar hayotining ajralmas qismiga aylandi. Texnologiyalar ularga bilim, ijod, erkin fikr berish bilan birga, juda xavfli tuzoqlarni ham taqdim etmoqda. Ayniqsa, o‘smirlar yolg‘on
Jamiyat 21:37, 11-04-2025