Ro‘ziqul Berdiyev - so'nggi yangiliklar

Superliga 12-turi doirasida bo‘lib o‘tgan “Nasaf” – “Navbahor” uchrashuvi yana bir bor o‘z ahamiyati va keskin tusi bilan muxlislar e’tiborida bo‘ldi. Qarshi shahridagi stadionda o‘tgan ushbu duelda yagona gol bilan g‘alaba qozongan mezbonlar ustozi Ro‘ziqul Berdiyev uchrashuvdan so‘ng matbuot anjumanida muhim bayonotlar berdi. Uning so‘zlarida nafaqat jamoa taktikasi, balki o‘yindagi shaxsiy yondashuv, futbolchilarning jismoniy holati va ruhiy tayyorgarlik masalalari ham yoritib o‘tildi. Muhim uch ochko va taktik yengish “Avvalo, bu g‘alabani jamoamiz va muxlislarimizga bag‘ishlayman”, — deb boshladi Berdiyev. “Biz juda jiddiy raqibga qarshi to‘p surdik. “Navbahor” o‘yin oldidan yaxshi tayyorgarlik ko‘rgani sezilib turdi va ular amalda juda kuchli va intizomli himoyani namoyish etishdi. Bugungi o‘yinda to‘p bilan ko‘p harakat qilishga imkon bo‘lmadi. Ammo biz ularni himoyada xato qilishga majbur qildik va bu orqali hal qiluvchi golni urdik. Shunday tekislikda o‘tgan uchrashuvda uch ochko olish – katta yutuq”. Havo sharoiti va o‘yin sur’ati Berdiyev ayni paytdagi havo sharoiti o‘yin sifatiga ta’sir qilganini yashirmadi. “Tabiiyki, issiq havo futbolchilar harakatini pasaytiradi. Shuning uchun tezlik yuqori bo‘lmadi. Bu kabi o‘yinlarda natija birinchi o‘rinda turadi”, – dedi murabbiy. Uning ta’kidlashicha, jamoa taktik tartibga amal qilgan holda, imkoniyatlarni kutgan va ulardan unumli foydalangan. Xebay nega asosiy tarkibda emas? Jurnalistlar Berdiyevdan Rubin Xebayning nega zaxirada qolganini so‘rashdi. “Bu to‘liq sport formasiga bog‘liq. Husayn Norchayev ayni vaqtda yuqori sport holatida. U gol urmagan bo‘lishi mumkin, ammo jamoa uchun ko‘p mehnat qildi. Xebay zaxiradan maydonga tushib, yaxshi harakat qildi. Agar u urgan zarba gol bo‘lganida, bu turning eng zo‘r gollaridan biri bo‘lishi aniq edi”, – dedi murabbiy. Terma jamoadan qaytganlar holati Terma jamoa safidan qaytgan futbolchilar haqida so‘z borganda, Ro‘ziqul Berdiyev bu omilning har doim ta’sir qiladiganini ta’kidladi. “Terma jamoa va klubda tayyorgarlik tizimi farq qiladi. Bu futbolchining formasiga ta’sir ko‘rsatadi. Masalan, Akmal Mozgovoy bugun yordam berdi, ammo biz undan kutgan o‘yinni ko‘rolmadik. Har bir futbolchining organizmi va qayta tiklanish vaqti turlicha”, – deb izoh berdi u. Akmalning maydondagi bahslari Jurnalistlarning “Akmal so‘nggi paytda bahslarga ko‘p kirishmoqda” degan savoliga Berdiyev shunday javob berdi: “U qiziqqon yigit. Bunday xarakterdagi futbolchilar ko‘p, ammo ular o‘zini nazorat qilishni bilishi kerak. Ba’zan keraksiz bahslar kartochkaga olib kelishi mumkin. Biz bu borada albatta suhbatlar olib boramiz”. Nima uchun uzoq masofadan zarbalar kamaydi? Murabbiy “Nasaf” futbolchilari so‘nggi o‘yinlarda darvozabon yaqinidan gol urishga harakat qilayotganini izohladi. “Men yigitlarga doim uzoq masofadan zarba berishni ko‘rsatma beraman. Lekin vaziyatga qarab qaror qabul qilish kerak. Ba’zi o‘yinlarda himoyachi devorlari qattiq bo‘ladi va futbolchi erkin pozitsiyani topa olmaydi. Bugun “Navbahor” aynan shunday qattiq himoyani namoyish etdi, shunga ko‘ra, yorqin vaziyatlar kam bo‘ldi”. Nasrullayev nega maydonga tushmadi? Jamoa a’zosi Sherzod Nasrullayev terma jamoa safidan yaqinda qaytgani va jamoa bilan to‘liq mashg‘ulot o‘tkazishga ulgurmagani sabab maydonga tushirilmagan. “Shu bilan birga unda yengil jarohat ham bor edi. Biz ehtiyot bo‘ldik va xavfli qaror qabul qilmadik. Nasrullayev tez orada safga qaytadi degan umiddaman”, — deya so‘zini yakunladi murabbiy. Xulosa: Ehtiyotlik va intizom meva berdi “Nasaf” jamoasi bugungi o‘yinda raqibga katta imkoniyat qoldirmagan holda, aql bilan o‘ynadi. Muhim uch ochko jamoaning yuqori pog‘onalarda turishini ta’minlashda hal qiluvchi bo‘lishi mumkin. Ro‘ziqul Berdiyev esa har bir futbolchining holatini sinchiklab tahlil qilgan holda, natijaga erishishda muvozanatni topgan murabbiy sifatida yana bir bor o‘zini namoyon etdi.

O‘zbekiston kubogining 3-turidan o‘rin olgan “Paxtakor“ — “Nasaf“ uchrashuvidan so‘ng mehmonlar murabbiyi Ro‘ziqul Berdiyev o‘yin haqida fikr bildirdi. - Bugun haqiqiy kubok bahsi bo‘ldi deb o‘ylayman. Kubok o‘yinlarida ko‘p gol bo‘ladi. Biz xato bilan o‘yinni boshladik. Uchrashuv boshida 2:0 katta hisob, biroq biz o‘yinga qayta oldik. Uchrashuvdagi hal qiluvchi vaziyat hisob 3:3 bo‘lganida penalti ko‘rib chiqilishi lozim edi. Bundan keyin Alibek qizil oldi va bizni og‘ir holatga qoldirdi. Bugun mag‘lub bo‘ldik, “Paxtakor“ jamoasini keyingi bosqichga yo‘l olgani bilan tabriklayman. - Jamoa qatorasiga ikkinchi mavsum O‘zbekiston kubogida guruh bosqichida qolib ketdi. O‘tgan mavsum jamoa mamlakat chempioni bo‘lgandi. Bu yil esa jamoalar ancha kuchaydi. Jamoa kubokni qurbon qilishi qanchalik tavakkalchilik bo‘ldi? - Ko‘rib turganingizdek, biz kubok uchun juda qattiq “yonayotganimiz“ yo‘q. Albatta chiqishni xohladik. Bugun ham biz ko‘plab zaxiradagi futbolchilarni maydonga tushirdik. Bizning rejalarimiz va maqsadlarimiz boshqacha. Shuningdek,biz Elit OCHLda o‘ynaymiz, ba’zi o‘yinlar bir xil vaqtga to‘g‘ri kelib qolishi mumkin. Bu esa bizga ortiqcha yuk bo‘ladi. Bu gaplarim bilan bizga kubok kerak emas edi demoqchi emasman. - Bugungi uchrashuvda Oleksandr Vorobey oltita gol o‘tkazib yubordi. Birinchi bo‘limdan so‘ng Ne’matovni maydonga tushirishingizni kutgandim. Vorobeyning transferi qanchalik muvaffaqiyatli bo‘ldi? Uning harakatlariga qanday baholaysiz? - Har ikki darvozabon mashg‘ulotlarda yaxshi tayyorgarlik ko‘rmoqda. Esingizda bo‘lsa, u “Xorazm“ga qarshi uchrashuvda ham maydonga tushdi. Undan oldingi o‘yinda Abduvohid ham xatolarga yo‘l qo‘ydi. Shuning uchun, qo‘limizdagi barcha futbolchiga imkon berishimiz kerak. Shuningdek, Oleksandr Vorobeyning transferi bizga tekinga tushgan. U biz uchun qimmat futbolchi emas, u arzon futbolchi. Biz uni Umid jamoani tark etganidan so‘ng zaxira uchun olganmiz. Bugun nafaqat Vorobeyga, balki boshqa futbolchilarga ham imkon berdik. Bugun meni eng xursand qilgan narsa, Bahromovning ajoyib o‘yini. U boshqalarga nisbatan ajralib turdi. - Bugun darvozabon xatoga yo‘l qo‘ygani haqida gapirildi. Biroq hujumda ham vaziyatdan foydalanishda xatoliklarga yo‘l qo‘yildi. Bu maydon holati bilan ham bog‘liqmi? - Menimcha, bugungi eng katta muammomiz himoyadagi xatolar bo‘ldi. Bugun “Paxtakor“ga nisbatan kam gol urgan bo‘lishimiz mumkin, lekin biz bugun 3 ta gol urdik. Bu yaxshi ko‘rsatgich. Lekin himoyadagi o‘yinimiz ko‘plab savollarni tug‘dirdi. - “Paxtakor“ning bugungi o‘yinidan kelib chiqib, jamoa chempionlik uchun kurashga ham qaytishi mumkinmi? - “Paxtakor“ — brend jamoa. Ular doim chempionlik uchun kurashadi. Ular yaxshi tarkibga ega. Lekin chempionlik uchun nafaqat “Paxtakor“da, balki boshqa jamoalarda ham imkoniyat bor. Ayni vaqtda chempionatimiz ancha shiddatli kechmoqda. Kutilmagan natijalar ko‘p. Sovrin uchun kurashadigan jamoalar soni bu yil oshdi. Bu yilgi chempionat ancha qiziqarli o‘tadi deb o‘ylayman. Mavsumni hali katta qismi oldinda. Ko‘plab jamoalarda chempionlik uchun imkoniyat bo‘ladi. - Joriy mavsum sizda eng kuchli hujum chizig‘i bor. Ko‘plab jamoalar bunday hujumchilarni orzu qiladi. Hujumchilaringizni harakatlarini qanday baholaysiz? Aynan Cheranga to‘xtalsak. U “Paxtakor“da juda ko‘p gol urardi. Hozir esa vazifasi biroz o‘zgargandek. - Cheran hujumortida o‘zini ancha yaxshi his qiladi. Biz undan shu chiziqda asosan foydalanyapmiz. Har bir o‘yinda u maksimal yordam berishga intilmoqda. Yil boshida bizni ikki nafar hujumchimiz (Abduxaliqov va Marushich) tark etdi. Ularni o‘tgan mavsum ancha ko‘p foydasi tegdi. Bu yil ularning o‘rniga Norchayev va Xebayni olib keldik. Bu hujumchilar bilan mavsum davomida harakat qilamiz.

O‘zbekiston Superligasida aprel oyining eng yaxshi murabbiyini aniqlash uchun nomzodlar ro‘yxati e’lon qilindi. Professional futbol ligasi tomonidan oyning eng yaxshi mutaxassisini aniqlash uchun chempionatda yuqori natijalar qayd etgan va jamoalarini muvaffaqiyatli boshqargan to‘rt nafar murabbiy saralab olindi. Quyidagi nomzodlar futbol muxlislari va ekspertlarning ovozlari orqali aprel oyining eng yaxshi murabbiyi bo‘lish uchun raqobatlashadi: Ro‘ziqul Berdiyev ("Nasaf") Qarshiliklar bosh murabbiyi aprel oyida jamoasi bilan ajoyib natijalarga erishdi. "Nasaf" jami 6 ta uchrashuv o‘tkazib, 5 ta bahsda g‘alaba qozondi va faqat bitta mag‘lubiyat qayd etdi. Berdiyev shogirdlari bu o‘yinlarda 19 ta gol urib, raqiblariga bor-yo‘g‘i 6 ta gol kiritish imkonini bergan. Ilyos Zeytullayev ("Bunyodkor") "Qaldirg‘ochlar"ni boshqarayotgan Zeytullayev ham bu oy o‘z jamoasini yuqori sport formasiga olib chiqishga erishdi. "Bunyodkor" 6 ta o‘yinda ishtirok etib, ularning 4 tasida zafar quchdi va 2 ta bahsda durang qayd etdi. Jamoa ishonchli himoya bilan ajralib turib, raqiblari darvozasiga 7 ta gol urib, faqat bitta gol o‘tkazib yubordi. Ivan Boshkovich ("So‘g‘diyona") Jizzaxliklar bosh murabbiyi Boshkovich rahbarligida aprel oyini yuqori darajada o‘tkazdi. "So‘g‘diyona" 6 o‘yinda maydonga tushib, 4 ta bahsda g‘olib chiqdi, 1 ta uchrashuvni durang bilan yakunladi va 1 ta o‘yinda mag‘lub bo‘ldi. Jamoaning umumiy to‘plar farqi esa 13:4 ni tashkil etdi. Vadim Abramov ("Dinamo") Tajribali mutaxassis Abramov boshchiligidagi Samarqandning "Dinamo" jamoasi 5 ta bahs o‘tkazib, 3 tasida g‘alaba qozongan bo‘lsa, yana 2 o‘yinni durang bilan yakunladi. Bu jamoaning aprel oyidagi natijalarida 7 ta gol urilgan bo‘lib, darvozasiga atigi 3 ta gol o‘tkazilgan. Endi esa, muxlislar va ekspertlarning fikri asosida ushbu to‘rt nomzoddan bir nafari aprel oyining eng yaxshi murabbiyi sifatida taqdirlanadi. G‘olib murabbiy ovoz berish natijalaridan so‘ng PFL tomonidan rasman e’lon qilinadi. Sizningcha, aprel oyining eng yaxshi murabbiyi kim bo‘ladi?

Superliga 7-turidan o‘rin olgan "Nasaf" - "Qizilqum" (4:0) uchrashuvidan so‘ng mezbonlar bosh murabbiyi Ro‘ziqul Berdiyev matbuot anjumanida ishtirok etdi. O‘yin haqida "Birinchi bo‘limda raqib yaxshi himoyalandi. Tanaffusda esa pozitsion hujumlar orqali hujumchilarimizga to‘pni yetkazib berishimiz kerakligini aytdim. Buni uddalay oldik ham. Natijani ko‘rib turibsiz, hujumkor o‘yin namoyish etib, chiroyli g‘alabaga erishdik" - deya fikr bildirdi Ro‘ziqul Sa’dullayevich bugungi bahs haqida. - Bugun futbolchilar uzoqdan ko‘plab zarbalar berishdi. Bu "Nasaf"ga xos bo‘lmagan jihat. Futbolchilarga siz shunday ko‘rsatma berdingizmi? - Bugun bizdan shu narsa talab qilinar edi. Statistikaga e’tibor bersangiz, eng ko‘p zarba beradigan jamoa bizmiz. Shunday davom etishimiz kerak. Futbolchilarga shoshilmaslik kerakligini aytgan edim. - Alibek Davronovni ikkinchi bo‘limda maydonga tushirdingiz. Ushbu haqda gapirib o‘tsangiz... - Tajribali himoyachimiz jarohat tufayli ancha vaqt o‘ynamadi. Endi uni mana shunday o‘yinlar orqali optimal sport formasiga keltirib olishimiz kerak. Alibek terma jamoada o‘ynashga loyiq futbolchi. - Hebay jarohatidan forig‘ bo‘lib maydonga qaytdi. Hebay penaltini amalga oshirishiga nima sabab bo‘ldi? Siz Rubinga penaltini ijro etish imkoniyatini taqdim etdingizmi? - U o‘zi penaltini ishladi va ijro etdi. Reja bo‘yicha 11 metrlik zarbalarni Husayn amalga oshirishi kerak, lekin Rubin o‘zi penalti ishlagani sabab o‘zi ijro etdi. Qishda o‘tkazgan yig‘inlarimizdan birida u shunday imkoniyatdan foydalana olmagan edi va shu sababli biroz qo‘rquv ham bor edi, lekin u zarbani ajoyib amalga oshirdi. - Hebay bugun juda ham ishtiyoq bilan harakat qildi. U asosiy tarkibga qaytmoqchimi? - Rubin ko‘p vaqt o‘ynamadi, shu sababli unda ishtiyoq yuqori. Har bir futbolchi mana shunday o‘ynashi kerak. Penaltidan ko‘ra o‘sha vaziyatdan foydalanganida yaxshiroq bo‘lar edi. - Umar Eshmurodovda xatolar kuzatilayotgandek... - Eshmurodov jamoaga juda ko‘p yordam beradi. Ayrim bir vaziyatlarda markaziy himoyachilar katta bosim ostida qoladi va shu sababli xatolar kuzatilishi mumkin. - "Xorazm"ga qarshi o‘yinda ham ushbu tarkib bo‘ladimi yoki yangi tarkib tanlanadimi? - Biz "Xorazm" bilan Jizzaxda o‘ynaymiz. Biz o‘yin kuni tarkib tanlaymiz, sababi qaysi futbolchilar o‘yinga yaxshiroq tayyor ekanligi o‘sha kuni ma’lum bo‘ladi. Qanday tarkib tanlashimizdan qat’i nazar g‘alaba qozonish haqida o‘ylashimiz kerak.

Superliganing 5-turida “Nasaf” o‘z maydonida “Surxon”ni 1:0 hisobida mag‘lub etdi. Uchrashuvdan so‘ng jamoa bosh murabbiyi Ro‘ziqul Berdiyev jurnalistlar savollariga javob berdi. – Birinchi bo‘limda golli vaziyatlarimiz ko‘p bo‘ldi, – dedi murabbiy. – 5 ta real imkoniyat yaratdik. Hisobni yiriklashtirishimiz mumkin edi, afsuski, foydalana olmadik. – Ikkinchi bo‘limdagi qizil kartochkadan so‘ng taktik o‘zgarishga majbur bo‘ldik. Eng muhimi – 1:0 hisobini ushlab qoldik va 3 ochkoni olishga erishdik. Jurnalistlardan biri hujumchi Sharofning o‘yini haqida tanqidiy savol berdi: – Men unga qarshi fikrga qo‘shilmayman. Sharof yomon o‘ynamadi. Gol urilgan vaziyatda Cheranga a’lo pas uzatdi. – Oldingi o‘yinda o‘zi ham gol urgan. Bugungi kunda biz uni hujumchi emas, himoyachi sifatida o‘ynatmoqdamiz, bu ham oson emas. Oybek Bozorovning qizil kartochka olgan vaziyati ham matbuot anjumanida muhokama markazida bo‘ldi. Berdiyev bu bo‘yicha o‘z fikrini ochiq aytdi: “Hakamning ayrim qarorlari bizga tushunarsiz bo‘ldi. Birinchi bo‘limdagi qarorlari ham meni ajablantirdi. Eng qizig‘i — Oybek vaziyatida VARga murojaat qilmadi, kutmadiyam. Bu borada biz o‘z e’tirozimizni bildiramiz.” “Nasaf” bu g‘alabadan keyin chempionat jadvalida yuqori o‘rinlar uchun kurashni davom ettirmoqda.

O‘zbekiston kubogi 1-turidan o‘rin olgan "Nasaf" - "Navoiy FA" (5:1) uchrashuvidan so‘ng mezbonlar bosh murabbiyi Ro‘ziqul Berdiyev matbuot anjumanida ishtirok etdi. O‘yin haqida - Biz bugungi o‘yin orqali futbolchilarga motivatsiya berishga harakat qildik. Yetakchi futbolchilarni o‘yinga jalb etganimizning sababi ham shu. Shuningdek, yosh futbolchilarga ham katta tajriba bo‘ldi. Biz kubokdagi maqsadimizni amalga oshirish uchun navbatdagi tur o‘yinlarida o‘zimizni ko‘rsatishimiz kerak. Navbatdagi bosqich masalasi navbatdagi tur o‘yinlarida qayd etadigan natijalarimizga bog‘liq. - Cheranni 70-daqiqadan keyin o‘yinga qo‘shilishi hisobni yiriklashtirish maqsadiga qaratilganmidi? - Bu haqida aytdim, biz bugun g‘alabaga ishongandik. Bu orqali yosh futbolchilarga, butun jamoaga yaxshi kayfiyat taqdim etmoqchi edik. - Raqibning golida kimning xatosi bo‘ldi deb o‘ylaysiz? - Buni video takror orqali qarab chiqish kerak. Bunda himoyachilar va darvozabon o‘rtasidagi tushunmovchilik yuz berdi deb o‘ylayman. Himoyachilar hujumchini oldinga chiqishiga imkon berib qo‘yishdi. - O‘tgan mavsum boshida "Nasaf"ning asosiy maqsadi chempionlik edi. Bu yil kubokdagi maqsad qanday? - Bizda yaxshi tarkib bor. Yigitlarga ishonamiz. Har bir musobaqada maksimal harakat qilishga kuchimiz yetarli deb o‘ylayman. Biz chempionlikni himoya qilishimiz, xalqaro maydonda munosib ishtirok etishimiz kerak.

Bugun, 7 sentyabr kuni, O‘zbekiston osmonida noyob astronomik hodisa — to‘liq Oy tutilishi yuz beradi. Bu haqida Zamin.uz xabar berdi. O‘zbekiston Fanlar akademiyasining ma’lumotlariga ko‘ra, ushbu hodisa mamlakatimizning barcha hududlaridan aniq ko‘rinadi. Oy tutilishi paytida Oy yuzasi butunlay Yer soyasida qoladi. To‘liq fazali tutilish 1 soat 22 daqiqa davom etadi, biroq butun jarayon 5 soatdan ortiq vaqtni o‘z ichiga oladi. Bu hodisa nafaqat O‘zbekistonda, balki Evroosiyo va Afrikadagi bir qator davlatlarda ham kuzatiladi. Jumladan, Qozog‘iston, Qirg‘iziston, Tojikiston, Turkmaniston, Afg‘oniston, Eron, Arab davlatlari, shuningdek, Pokiston, Hindiston, Xitoy, Janubiy va Shimoliy Koreya, Malayziya, Vyetnam, Laos kabi mamlakatlarda to‘liq Oy tutilishini ko‘rish mumkin. Rossiyaning markaziy hududlari, Turkiya, Ozarbayjon, Saudiya Arabistoni, Yaponiya va Avstraliyaning ayrim joylarida ham Oy to‘liq soyada qoladi. Yevropa, Filippin, Gavayi, Fidji va Yangi Zelandiya esa qisman tutilishni kuzatadi. O‘zbekistonda Oy tutilishining aniq vaqtlari quyidagicha: qisman tutilish Toshkent vaqti bilan 21:27 da boshlanadi, to‘liq faza 22:30 da kirib keladi, 23:11 da eng yuqori nuqtaga yetadi, 23:52 da to‘liq faza yakunlanadi va 8 sentyabr soat 00:56 da qisman faza ham tugaydi. Mutaxassislar ma’lumotiga ko‘ra, tutilish davomida Oyning ufqdan balandligi dastlab 27 darajani tashkil etadi, maksimal paytda esa 39 darajagacha ko‘tariladi. Eng muhimi, ushbu hodisani kuzatish uchun teleskop yoki boshqa maxsus uskunalar talab qilinmaydi. Oddiy ko‘z bilan ham Oy tutilishini xavfsiz tomosha qilish mumkin. Olimlar ta’kidlaganidek, Oy tutilishini bevosita ko‘z bilan kuzatish mutlaqo xavfsiz hisoblanadi. Astronomiya ixlosmandlari va oddiy fuqarolar uchun bu kecha tabiatning noyob go‘zalligini ko‘rish va esda qolarli xotira yaratish uchun ajoyib imkoniyatdir. Manba: O‘zbekiston Fanlar akademiyasi.

Apple kompaniyasi sentabr oyida o‘zining yangi flagman smartfonlari iPhone 17 Pro va iPhone 17 Pro Max modellarini taqdim etdi. Bu haqida Zamin.uz xabar berdi. Ushbu qurilmalar nafaqat ichki imkoniyatlari, balki tashqi ko‘rinishi bilan ham sezilarli darajada yangilangan. Eng katta o‘zgarishlardan biri orqa kamera podining butun korpus eni bo‘ylab joylashganidir. Sensorlar joylashuvi avvalgidek qolgan, ammo LiDAR va chaqnoq endi qarama-qarshi tomonda joylashgan. Apple titan korpusdan voz kechib, alyuminiy korpusga qaytdi. Alyuminiy issiqlikni oldingiga nisbatan 20 barobar samaraliroq tarqatadi. Korpus to‘liq metall bo‘lib, orqa qismida simsiz zaryadlash uchun Ceramic Shield oynali maydon mavjud. Old panelda yangi Ceramic Shield 2 ishlatilgan bo‘lib, u uch barobar mustahkamroqdir. Shuningdek, ekran yuzasida yorug‘likni aks ettirmaydigan qoplama qo‘llanilgan. Ichki quvvat jihatidan yangi Apple A19 Pro chipi o‘rnatilgan. U 6 yadroli protsessor va 6 yadroli grafik protsessorga ega bo‘lib, ikkinchi avlod Dynamic Caching texnologiyasi yordamida uzoq davom etadigan vazifalarda oldingiga nisbatan 40 foiz tezroq ishlaydi. Pro modellarda birinchi marta bug‘ yordamida sovitish tizimi joriy etilgan bo‘lib, alyuminiy korpus bu jarayonga yordam beradi. Kamera tizimi ham sezilarli yangilangan. Endi to‘liq 48 megapikselli asosiy, ultra keng va telefotokameralar mavjud. Telefotokamera 8 barobar optik zoom, shuningdek 4 barobar rejimi va 3D stabilizatsiya funksiyasiga ega. Old kamera esa 18 megapikselli bo‘lib, Center Stage texnologiyasi bilan jihozlangan. Bundan tashqari, ProRes RAW formatida video yozish imkoniyati qo‘shilgan, bu esa videomontaj bilan shug‘ullanuvchilar uchun muhim yangilik hisoblanadi. Avtonomiya ko‘rsatkichlariga kelsak, iPhone 17 Pro modeli 33 soat video ko‘rish imkoniyatiga ega, iPhone 17 Pro Max esa 39 soat ishlaydi. Qurilmalarni 0 dan 50 foizgacha zaryadlash uchun atigi 20 daqiqa vaqt ketadi. Narxlari quyidagicha belgilangan: iPhone 17 Pro 1099 dollar, iPhone 17 Pro Max esa 1199 dollar. Qurilmalar 19 sentabrdan sotuvga chiqadi. Ranglar qatorida Silver, Deep Blue va Cosmic Orange mavjud. Yangi TechWoven g‘iloflar va Crossbody Strap aksessuar sifatida taqdim etildi. Apple kompaniyasi ushbu yangilanishlar bilan haqiqatan ham “Pro” darajasiga chiqa oldimi, bu savol foydalanuvchilar orasida muhokama qilinmoqda. Yangi modellar yuqori darajadagi quvvat va sifatni taqdim etadi, bu esa ularning bozordagi o‘rnini mustahkamlashga yordam beradi.

Turkiyadan hayratlanarli yangiliklar kelmoqda. Bu haqida Euro-football.ru xabar berdi. Ma’lumotlarga ko‘ra, Zinedin Zidan «Fenerbahche» futbol klubining yangi bosh murabbiyi bo‘lishi mumkin. Klub rahbariyati yozda jamoani sezilarli darajada kuchaytirganidan so‘ng, Zidan bilan dastlabki kelishuvga erishgan. 53 yoshli murabbiy maosh va shart-sharoitlar bo‘yicha muzokaralar yakunlangach, Turkiyaga ko‘chib o‘tadi, deb xabar beradi Sabah Spor nashri. Eslatib o‘tamiz, yaqinda «Fenerbahche» jamoasi bosh murabbiyi Joze Mourinyo bilan xayrlashdi. Bu qaror Stambul «kanarichkalari» Chempionlar Ligasi saralash bosqichida «Benfika»ga yutqazgach qabul qilindi. Oldinroq matbuotda Zinedin Zidan Fransiya terma jamoasi bosh murabbiyi Didye Deshamning o‘rnini egallashni rejalashtirayotgani haqida xabarlar tarqalgan edi. Desham ushbu lavozimni 2026 yilgi jahon chempionati yakunida tark etishi kutilmoqda. Bu yangiliklar futbol ixlosmandlari orasida katta qiziqish uyg‘otmoqda.

Avvalroq Angrenda yuz bergan yirik yo‘l-transport hodisasi haqida xabar berilgandi. Bu haqida Upl.uz xabar berdi. Toshkent–Osh xalqaro avtomobil yo‘lida bir nechta transport vositalari ishtirokida avtohalokat sodir bo‘ldi. Hodisa 7-sentyabr kuni soat taxminan 12:20 da yuz berdi. Ichki ishlar organlaridan olingan ma’lumotlarga ko‘ra, Shacman rusumli yuk mashinasi, unda sement tashilayotgan va 44 yoshli haydovchi boshqaruvida bo‘lgan, boshqaruvni yo‘qotib, temiryo‘l o‘tish joyida to‘xtab turgan ikkita yuk mashinasi va beshta yengil avtomobilga urildi. Zarba natijasida yong‘in yuzaga keldi, ammo voqea joyiga yetib kelgan tezkor xizmatlar tomonidan tezda o‘chirilgan. Ichki ishlar organlari o‘lim va jarohat olganlar soni haqida ma’lumot berdi. Hodisa joyida yetti kishi halok bo‘ldi. Besh kishi shifoxonaga yotqizildi, yana to‘rt nafar ishtirokchi tibbiy yordam olib, uyiga yuborildi. Hozirgi vaqtda hukumat hodisaning sabablarini o‘rganish uchun komissiya tuzdi. Komissiyaga boshchilik qilish uchun Bosh vazir o‘rinbosari Achilbay Ramatov tayinlandi.

Shimoliy Karolinada 23 yoshli ukrainalik qochqin Irina Zarutska poyezdda pichoqlab o‘ldirildi. Bu haqida Zamin.uz xabar berdi. Politsiya ayolga hujum qilgan 34 yoshli Dekarlos Braunni qo‘lga oldi va uni qotillikda ayblamoqda. Voqea videoga tushib, ijtimoiy tarmoqlarda keng tarqaldi, bu esa jamoatchilik orasida katta norozilikka sabab bo‘ldi. Shahar meri ushbu holatni sud tizimidagi xato deb atab, transportda xavfsizlikni oshirish bo‘yicha choralar ko‘rilishini va’da qildi. Zarutskaning oilasi uning 2022-yilda urushdan qochib AQShga kelganini va yangi hayotga tez moslashganini bildirdi. U san’atga qiziqardi, hayvonlarni yaxshi ko‘rar va oilasi bilan baxtli yashardi. Ushbu voqea siyosiy bahslarga ham sabab bo‘ldi. Ayrimlar Braun ilgari og‘ir jinoyatlar uchun jazolangan bo‘lsa-da, ozodlikka chiqqanini tanqid qildi. Shtat rahbari esa jinoyatchilikka qarshi yanada samarali choralar ko‘rishga chaqirdi. Bu voqea jamiyatda xavfsizlik va adolat masalalarini yana bir bor muhokama qilishga sabab bo‘ldi.

Ispaniyada yosh futbolchilar o‘rtasida xalqaro futbol turniri bo‘lib o‘tmoqda. Bu haqida Upl.uz xabar berdi. O‘zbekistonning 17 yoshgacha bo‘lgan terma jamoasi turnirning ikkinchi bosqichida Kanada terma jamoasi bilan bellashdi. Asosiy vaqt davomida o‘yin 2:2 hisobida yakunlandi. Penaltilar seriyasida O‘zbekiston jamoasi 6:5 hisobida g‘alaba qozondi. Birinchi bosqichda O‘zbekiston terma jamoasi Angliya jamoasiga 3:1 hisobida mag‘lub bo‘lgan edi. Terma jamoa xalqaro musobaqalarda ishtirok etishni davom ettirib, tajriba orttirishga harakat qilmoqda. Bu kabi musobaqalar yosh futbolchilar uchun muhim bo‘lib, ularning mahoratini oshirishga xizmat qiladi. O‘zbekiston futboli kelajakda yanada rivojlanishi uchun yoshlar o‘rtasidagi bunday turnirlar katta ahamiyatga ega. Terma jamoaning keyingi o‘yinlari ham qiziqish bilan kuzatilmoqda.

Apple kompaniyasi yaqinda yangi iPhone 17 smartfonini taqdim etdi. Bu haqida Zamin.uz xabar berdi. Toshkentdagi "Malika" bozorida sotuvchilar bilan suhbat natijasida ushbu yangi modellar uchun taxminiy narxlar aniqlangan. Ma’lum bo‘lishicha, iPhone 17 smartfonlari O‘zbekistonda 23 sentyabrdan boshlab sotuvga chiqariladi. Narxlar xotira hajmi va qurilmaning funksiyalariga qarab farqlanadi. Masalan, iPhone 17 ning 256 gigabaytli modeli taxminan 16 million 250 ming so‘m atrofida baholanmoqda. Kattaroq xotira hajmiga ega modellarning narxi esa yuqoriroq bo‘ladi. iPhone 17 Pro va Pro Max versiyalari esa yanada ko‘p funksiyalar va imkoniyatlarga ega bo‘lib, ularning narxlari 23 million so‘mdan boshlanib, 50 million so‘mga yaqinlashadi. Ushbu yangi smartfonlar O‘zbekiston bozorida katta qiziqish uyg‘otishi kutilmoqda. Xaridorlar uchun eng maqbul variantni tanlashda xotira hajmi va byudjet muhim omillar hisoblanadi. Shuningdek, rasmiy savdo nuqtalarida to‘liq kafolat va xizmat ko‘rsatish imkoniyatlari taqdim etilishi kutilyapti. Yangi iPhone 17 modellarining O‘zbekistonda sotuvga chiqishi smartfon bozorida yangiliklar va raqobatni kuchaytiradi.

Domeniko Tedesko «Fenerbahche» jamoasining bosh murabbiyi lavozimiga asosiy nomzodlardan biridir. Bu haqida Euro-football.ru xabar berdi. Turkiya klubida portugaliyalik murabbiy Joze Mourinyu bilan xayrlashilgandan so‘ng yangi bosh murabbiy qidirilmoqda. «Kanareykalar» rahbariyati Tedesko nomini qisqa ro‘yxatga kiritgan va italiyalik mutaxassis bu lavozimni egallashga tayyor ekanligini bildirgan, deb xabar beradi mashhur jurnalist Nikolo Skira. Agar hammasi reja bo‘yicha amalga oshsa, 39 yoshli mutaxassis 2027 yilgacha Istanbulning yirik klubida shartnoma imzolaydi. Domeniko Tedesko so‘nggi ish joyi Belgiya milliy terma jamoasi bo‘lib, u yerda 2023 yil fevralidan 2025 yil yanvarigacha bosh murabbiylik qilgan. Bundan avval u «RB Leyptsig», Moskva «Spartak», «Shalke 04» kabi yirik klublarda ham faoliyat yuritgan. Uning murabbiylik tajribasi va yirik jamoalarda ishlaganligi «Fenerbahche» uchun katta imkoniyat bo‘lishi mumkin. Klub yangi murabbiy bilan kelgusida muvaffaqiyatlarga erishishni maqsad qilgan.