O‘zbekiston tashqi ishlar vazirining o‘rinbosari Olim Abdullayev Slovakiya elchisi Viktor Boretski bilan uchrashdi.
TIV ma’lumotiga ko‘ra, uchrashuvda O‘zbekiston fuqarolarining Slovakiyaga mehnat migratsiyasini tashkil etish, ushbu sohadagi qonunchilik bazasini rivojlantirish va mustahkamlash bilan bog‘liq masalalar muhokama qilindi. O‘zbekistondan yuqori malakali kadrlar tayyorlash uchun Slovakiyadan mutaxassislarni jalb etishga alohida e’tibor qaratildi.
Tomonlar mehnat migratsiyasi va kadrlar tayyorlash sharoitlarini yaxshilashga qaratilgan ikki tomonlama hamkorlikni rivojlantirishni davom ettirishga kelishib oldi.
Foto: "Dunyo" AA
