Toshkent metropoliteni tarixida ilk bor ayollar elektropoyezd mashinisti sifatida ish boshladi, deb Kursiv Media xabar berdi. Hozirda ular tajribali ustozlar nazorati ostida amaliyot o‘tashmoqda va yaqin vaqt ichida mustaqil ravishda poyezd boshqarishni boshlashlari kutilmoqda.
Ayollar uchun mashinistlik bo‘yicha tanlov 2024 yilda Prezident Shavkat Mirziyoyev topshirig‘iga binoan e’lon qilingan. Tanlovda metropolitenning turli bo‘limlarida ishlagan xodimalar ishtirok etgan. Nomzodlar suhbat, tibbiy ko‘rik va psixologik testdan o‘tgan. Natijada 16 nafar ayol qabul qilingan.
Ular 11 oy davomida intensiv o‘quv kurslarini o‘tashgan: poyezdlardan foydalanish qoidalari, texnik tuzilishi va pnevmokurilmalar ishlash prinsiplarini o‘rganishgan.
