Madridning «Atletiko» jamoasining yarim himoyachisi Koke klubni qachon tark etishini ma’lum qildi. Bu haqida Euro-football.ru xabar berdi.
Ispaniyalik futbolchi butun faoliyati davomida aynan ushbu jamoada o‘ynab kelmoqda. Joriy yil iyun oyining boshida 33 yoshli yarim himoyachi o‘zining ona klubi bilan yangi shartnoma imzoladi.
Ushbu kelishuv keyingi yilning o‘rtalarigacha mo‘ljallangan. Koke bergan intervyusida shunday dedi: «Men o‘zimdan ma’lum talablarni ado eta oladigan paytgacha bu yerda o‘ynashni davom ettiraman.
Bu men va klub o‘rtasidagi kelishuvdir. Talablarga javob bera olmasam, hamma narsa yakunlanadi va men birinchi bo‘lib vaqtining kelganini aytaman.
Shunga qadar esa o‘zimni yuz foiz bag‘ishlayman.» Madrid jamoasi safida Koke 684 ta o‘yinda maydonga tushib, 48 ta gol urdi va 119 ta samarali uzatma amalga oshirdi. Uning jamoaga sodiqligi va faoliyati yuqori baholanmoqda.
👍 0❤️ 0😂 0😢 0😡 0
