Sobiq «Bavariya» hujumchisi Tomas Myuller MLSning yana bir jamoasi qiziqish doirasiga tushdi. Bu haqida Euro-football.ru xabar berdi.
Nemis futbolchisi bilan muzokaralarni MLSda o‘ynayotgan «Vankuver Uaytkeps» olib bormoqda. Bu haqda jurnalist Ben Jeykobx xabar berdi.
Oldinroq 35 yoshli hujumchi o‘z faoliyatini okean ortida davom ettirishini tasdiqlagan edi. Tomas Myuller joriy oyda «Bavariya»ni tark etdi.
Myunxenning yirik klubi o‘z afsonasiga yangi shartnoma taklif qilmaslikka qaror qildi. Futbolchiga Avstraliyaning «Sidney» jamoasi ham qiziqish bildirgan edi.
Hozirda «Vankuver Uaytkeps» MLSning G‘arbiy konferensiyasida 23 o‘yindan so‘ng 42 ochko bilan ikkinchi o‘rinda bormoqda. Klub Tomas Myuller bilan kelishuvga erishib, jamoasining hujum chizgisini kuchaytirishni maqsad qilgan.
Futbolchining yangi jamoasida qanday o‘yin ko‘rsatishi jamoa va muxlislar uchun katta qiziqish uyg‘otmoqda.
