Eks hujumchi Tomas Myuller o‘z faoliyatini MLSda davom ettiradi. Bu haqida Euro-football.ru xabar berdi.
35 yoshli futbolchi bilan «Vankuver Uaytkeps» klubi shartnoma shartlari bo‘yicha deyarli kelishib oldi, deb xabar beradi jurnalist Ben Jeykob. Agar kutilmagan holatlar yuz bermasa, yaqin kunlarda taniqli nemis futbolchisi Kanada jamoasiga qo‘shiladi.
Tomas Myuller «Bavariya» tizimida 25 yildan ortiq vaqt faoliyat yuritdi. U klub safida 756 o‘yinda maydonga tushib, 250 ta gol urdi va 276 ta samarali uzatma amalga oshirdi.
Bu natijalar uni klub tarixidagi eng muvaffaqiyatli futbolchilardan biriga aylantirdi. Hozirda «Vankuver Uaytkeps» MLSning G‘arbiy konferensiyasida 24 o‘yin natijasida 45 ochko to‘plab, ikkinchi o‘rinda bormoqda.
Klub Tomas Myullerni safiga qo‘shib, jamoaning raqobatbardoshligini yanada oshirishni maqsad qilgan. Ushbu transfer jamoa uchun muhim kuch bo‘lishi kutilmoqda.
