Girona futbol klubi Manchester Siti tarkibida to‘p surayotgan yarim himoyachi Klaudio Echeverri va himoyachi Vitor Reishni ijaraga olishga qiziqish bildirmoqda. Bu haqida Euro-football.ru xabar berdi.
Xosep Gvardiola boshqaruvidagi jamoada ushbu futbolchilar uchun doimiy o‘yin amaliyoti kafolatlanmagan. Shu sabab klub ularni vaqtincha boshqa jamoaga ijaraga berishni ko‘rib chiqmoqda.
City Xtra nashrining xabar berishicha, Kataloniya klubi 19 yoshli argentinalik va braziliyalik futbolchilarni o‘z tarkibiga qo‘shib olish bo‘yicha muzokaralar olib bormoqda. Klaudio Echeverrining transfer qiymati Transfermarkt portali ma’lumotiga ko‘ra 18 million yevroga baholangan.
Uning Manchester Siti bilan tuzgan shartnomasi 2028 yilgacha amal qiladi. Shu bilan birga, futbolchiga Italiyaning Roma klubi ham qiziqish bildirayotgani aytilmoqda.
Vitor Reisning transfer narxi esa ayni saytda 30 million yevro etib ko‘rsatilgan. Markaziy himoyachining ingliz klubi bilan tuzgan mehnat shartnomasi 2029 yilgacha mo‘ljallangan.
Hozircha futbolchilarning qaysi klubga o‘tishi borasida rasmiy ma’lumot berilmagan. Muzokaralar davom etmoqda.
