Ayni paytda ayrim manbalarda Sankt-Peterburglik mutaxassis Stanislav Cherchesov tez orada Axmat futbol jamoasiga bosh murabbiy bo‘lib tayinlanishi mumkinligi haqida xabarlar tarqalmoqda. Bu haqida Euro-football.ru xabar berdi.
Ushbu ma’lumotga izoh olish maqsadida Grezniy shahridagi klub matbuot xizmatiga murojaat qilindi. Biroq, klub vakillari bu borada hech qanday izoh bermasliklarini bildirishdi.
Ma’lumot uchun, joriy hafta boshida Axmat klubi bosh murabbiyi Aleksandr Storojuk o‘z lavozimini tark etgani e’lon qilindi. Jamoa Rossiya chempionati va Kubogining yangi mavsumida o‘tkazilgan barcha to‘rt uchrashuvda ham mag‘lubiyatga uchragan.
Natijada, rahbariyat murabbiyni iste’foga chiqarishga qaror qilgan. Stanislav Cherchesov bugungi kunda hech bir jamoada murabbiy sifatida faoliyat yuritmayapti.
U avval ham, ya’ni 2011-2013 yillar oralig‘ida Axmat klubini boshqargan. Shu sababli, uning yana ushbu jamoaga qaytish ehtimoli haqida turli taxminlar bildirilmoqda.
Klub esa hozircha bu borada rasmiy bayonot bermagan.
